វិភាគប្រអប់ខ្មៅអ្នកបើកម្នាក់មិននៅក្នុងកាប៊ីនពេលមកវិញជាប់ទ្វារ
ក្រោយចាប់ផ្តើមការហោះហើរ ធម្មតាអ្នកបើកម្នាក់ក្នុងចំណោមអ្នកបើក២នាក់នៃយន្តហោះ AIRBUS A 320 នៃក្រុមហ៊ុន GERMANWINGS ដែលធ្លាក់នៅតំបន់ភ្នំ ALPES ប្រទេសបារាំង
ក្រោយចាប់ផ្តើមការហោះហើរ ធម្មតាអ្នកបើកម្នាក់ក្នុងចំណោមអ្នកបើក២នាក់នៃយន្តហោះ AIRBUS A 320 នៃក្រុមហ៊ុន GERMANWINGS ដែលធ្លាក់នៅតំបន់ភ្នំ ALPES ប្រទេសបារាំង
ក្រោយចាប់ផ្តើមការហោះហើរ ធម្មតាអ្នកបើកម្នាក់ក្នុងចំណោមអ្នកបើក២នាក់នៃយន្តហោះ AIRBUS A 320 នៃក្រុមហ៊ុន GERMANWINGS ដែលធ្លាក់នៅតំបន់ភ្នំ ALPES ប្រទេសបារាំង ជាមួយមនុស្សជិះក្នុងនោះ១៥០នាក់បានចេញពីបន្ទប់កាប៊ីន រួចពុំមានលទ្ធភាពចូលមកក្នុងវិញបានពេលវិលមកវិញអំឡុងពេលយន្តហោះធ្លាក់ ។
ព័ត៌មានបែបនេះលេចចេញពីប្រភពជិតដិតនឹងការស៊ើបអង្កេតដែលបានដឹងពីសំឡេងទាំងឡាយដែលប្រអប់ខ្មៅថតបាន ។ បែបនេះ គឺដូចគ្នានឹងព័ត៌មានដំបូងលាតត្រដាងដោយកាសែតញូវយ៉កថែម រួចកំណត់ពីការជឿនលឿនយ៉ាងច្បាស់នៃការស៊ើបអង្កេតក្រោយគ្រោះថ្នាក់ដែលនាំឱ្យមានក្តុកក្តួលយ៉ាងខ្លាំងនៅអឺរ៉ុបទាំងមូលនេះ ។
ប្រភពជិតដិតនឹងការស៊ើបអង្កេតគូសបញ្ជាក់ថា ពេលចាប់ផ្តើមការហោះហើរ គេស្តាប់ឮក្រុមយានិកនិយាយគ្នាធម្មតា បន្ទាប់មកឮសំឡេងចេញពីកៅអីអង្គុយមួយដែលទាញថយ និងឮសំឡេងទ្វារបើក ហើយបិទវិញ ។ បន្ទាប់មកឮសំឡេងពីការគោះទ្វារ និងការស្រែកហៅ ហើយពុំឮពាក្យនិយាយឆ្លើយឆ្លងគ្នានាគ្រានោះឡើយ រហូតដល់ពេលយន្តហោះធ្លាក់ ។
អ្នកបើកទាំង២នាក់និយាយគ្នាជាភាសាអាល្លឺម៉ង់ ។ ទីបញ្ចប់នៃការហោះហើរឮពាក្យស្រែកអាសន្នដែលបញ្ជាក់ថា យន្តហោះធ្លាក់ជិតដល់ដីហើយ ។
ប្រភពដដែលនោះបន្តថា គេពុំអាចនិយាយថា តើមេបញ្ជាការយន្តហោះ ឬក៏សហអ្នកបើកជាអ្នកដើរចេញពីកាប៊ីនបើកបរ ហើយពេលវិលមកវិញបើកទ្វារមិនបាន ទោះខំធាក់ក៏ដោយ ។
ព័ត៌មានទាំងនេះបានមកពីការវិភាគរបស់ពួកអ្នកស៊ើបអង្កេតប្រអប់ខ្មៅដែលថតសំឡេងនិយាយគ្នាក្នុងបន្ទប់បើកបរ ដោយប្រអប់ខ្មៅនោះរកឃើញកាលពីថ្ងៃទី២៤ មីនា ប៉ុន្មានម៉ោងក្រោយយន្តហោះធ្លាក់ រួចការស្តាប់សំឡេងដែលថតបានធ្វើកាលពីថ្ងៃទី២៥ មីនា ។
កាលពីព្រឹកថ្ងៃទី២៥ មីនា រដ្ឋមន្ត្រីមហាផ្ទៃបារាំងគូសបញ្ជាក់ថា សេណារីយ៉ូភេរវកម្មដូចជាគ្មានទេ ។ ចំណែកអ្នកជំនាញការម្នាក់និយាយប្រាប់ AFP ថា ប្រសិនបើអ្នកបើកបរទាំងពីរពុំបានរារាំងយន្តហោះមិនឱ្យហោះធ្លាក់បុកភ្នំ មានតែពួកគេបាត់បង់ស្មារតី ឬស្លាប់ និយាយឱ្យចំទៅទាល់តែពួកគេចង់ស្លាប់ ឬមួយពួកគេបង្ខំឱ្យស្លាប់ ។
ប្រភពព័ត៌មានមួយទៀតជិតដិតនឹងសំណុំរឿងនេះពេល AFP សួរកាលពីយប់ថ្ងៃទី២៥ មក ២៦ មីនាថា សហអ្នកបើកយន្តហោះនេះទើបចូលបម្រើក្រុមហ៊ុនអាកាសចរណ៍អាល្លឺម៉ង់ ជាសាខារបស់ក្រុមហ៊ុន LUFTHANSA នាពេលថ្មីៗ គឺកាលពីដំណាច់ឆ្នាំ២០១៣ ជាមួយការបើកបររយៈពេលប៉ុន្មានរយម៉ោងប៉ុណ្ណោះ។ សញ្ជាតិរបស់គេ នៅពុំទាន់ដឹងច្បាស់នៅឡើយ៕
ចែករំលែកព័តមាននេះ