រាជធានីភ្នំពេញ ៖ វណ្ណកម្មថ្មីទៀតបានរៀបចំដោយផលិតកម្មមហាហង្ស គឺរឿង«ខ្មោចថតកុន»ជាប្រភេទរឿងកំប្លែងសប្បាយរីករាយតម្រូវចិត្តមិត្តយុវវ័យនឹងមកដល់នៅពេលខាងមុខ
រាជធានីភ្នំពេញ ៖ វណ្ណកម្មថ្មីទៀតបានរៀបចំដោយផលិតកម្មមហាហង្ស គឺរឿង«ខ្មោចថតកុន»ជាប្រភេទរឿងកំប្លែងសប្បាយរីករាយតម្រូវចិត្តមិត្តយុវវ័យនឹងមកដល់នៅពេលខាងមុខ បន្ទាប់ពីផលិតកម្មមហាហង្សបានរៀបចំពិធីក្រុងពលីបើកកាមេរ៉ាថតកាលពីព្រឹកថ្ងៃទី២៦ មីនា ២០១៥ ក្រោមការចូលរួមពីក្រុមការងារ និងតារាមានវត្តមានក្នុងរឿងនោះផងដែរ។
លោកអ៊ិន សុភិន ជាម្ចាស់ផលិតកម្មមហាហង្សបានរៀបរាប់ពីការរៀបចំពិធីក្រុងពលីរឿងថ្មីមានចំណងជើង «ខ្មោចថតកុន» ថា ខ្លឹមសាររឿងនេះ ជារឿងបែបកំប្លែងសើចតាំងពីដើមដល់ចប់តម្រូវតាមទីផ្សាររបស់ទស្សនិកជន ជាពិសេសមិត្តយុវវ័យ។ តាមរយៈការបង្ហាញស្នាដៃរឿងថ្មីនេះ យើងបានសម្រិត សម្រាំងឲ្យមានភាពប្លែកគ្នាជានិច្ច។ រឿង«ខ្មោចថតកុន» នេះ នឹងចំណាយដើមទុនចន្លោះពី៤ទៅ៦ម៉ឺនដុល្លារ ដោយអាចចាក់បញ្ចាំងនៅក្រៅប្រទេសផងដែរ។ សន្ទុះនៃអ្នកទស្សនារឿងខ្មែរនៅស្រុកយើង និងស្រុកគេ គឺប្រហែលគ្នា សំខាន់អ្នកមកចង់បានរឿងដែលប្លែក។ នេះជារឿងទី៣ សម្រាប់ផលិតកម្មមហាហង្សឆ្នាំ២០១៥នេះ ដោយរឿងទី១រឿង «ខ្មោចទឹក» រឿងទី២«ក្រមុំសៅកែ» ដូចនេះប្រិយមិត្តអាចរង់ចាំតាមដានទស្សនាការបង្ហាញនូវសមិទ្ធផលថ្មីរបស់ផលិតកម្មមហាហង្សដែលត្រៀមបង្ហាញជូនប្រិយមិត្តជាបន្តបន្ទាប់តាមលំដាប់នៅពេលដ៍ខ្លីខាងមុខនេះ សម្រាប់ឆ្នាំ២០១៥ តែម្តង។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ