លោក ប៉ា សុជាតិវង្ស ហៅអភិបាលខណ្ឌទំាង១២ ប្រជុំចាត់វិធានការក្តៅលើពលរដ្ឋយកចិញ្ចើមផ្លូវបើកមុខរបរ
រាជធានីភ្នំពេញ ៖ អភិបាលនៃគណៈអភិបាលរាជធានីភ្នំពេញ លោក ប៉ា សុជាតិវង្ស បានដឹកនំាអង្គប្រជុំបន្ទាន់មួយដើម្បីចាត់វិធានការក្តៅលើពលរដ្ឋ
រាជធានីភ្នំពេញ ៖ អភិបាលនៃគណៈអភិបាលរាជធានីភ្នំពេញ លោក ប៉ា សុជាតិវង្ស បានដឹកនំាអង្គប្រជុំបន្ទាន់មួយដើម្បីចាត់វិធានការក្តៅលើពលរដ្ឋដែលយកចិញ្ចើម ឬចំណីផ្លូវសាធារណៈបើកមុខរបររកស៊ី ។
កិច្ចប្រជុំនៅសាលាក្រុងដើម្បីរៀបចំសណ្តាប់ធ្នាប់តាមដងផ្លូវនាព្រឹកថ្ងៃទី២៦ មីនា ២០១៥ មានការចូលរួមពីអភិបាលខណ្ឌទំាង១២ និង តំណាងអង្គភាពពាក់ព័ន្ឋក្រោមឱវាទសាលារាជធានីភ្នំពេញ ។
ជាការកត់សម្គាល់កិច្ចប្រជុំខាងលើនេះដែរ ធ្វើឡើងនៅបន្ទាប់ពីចិញ្ចើផ្លូវសាធារណៈក្នុងរាជធានីភ្នំពេញ នៅតែត្រូវបានបំពានដោយពលរដ្ឋមួយចំនួនដើម្បីយកធ្វើជាទីតំាងបើកមុខរបររកស៊ីបង្កឲ្យបានការបាត់បង់សណ្តាប់ធ្នាប់ ជាពិសេសការកកស្ទះចរាចរណ៍ដែលជាជំងឺមហារីកមួយកំពុងតែរកថ្នំាដាក់មិនទាន់ត្រូវ ទោះបីជាសាលារាជធានីភ្នំពេញកាលពីចុងឆ្នាំ២០១៤ បានចេញសេចក្តីជូនដំណឹងមិនអនុញ្ញាតឲ្យយកចិញ្ចើមផ្លូវបើកមុខរបរនោះក្តី ។
យ៉ាងណាក៍ដោយ នៅក្រោយកិច្ចប្រជុំនាព្រឹកថ្ងៃព្រហស្បតិ៍នេះ គេសង្ឃឹមថាប្រជាពលរដ្ឋនឹងសហការជាមួយអាជ្ញាធរដែនដី និងអង្គភាពពាក់ព័ន្ឋក្រោមឱវាទសាលារាជធានីភ្នំពេញ ដើម្បីបញ្ចប់ការយកចំណីផ្លូវ ឬចិញ្ចើមផ្លូវបើកមុខរបរ ៕
ចែករំលែកព័តមាននេះ