ខេត្តពោធិ៍សាត់ ៖ ប្រតិភូសមាគមនារីកម្ពុជាដើម្បីសន្តិភាព និងអភិវឌ្ព្យន៍ខេត្តពោធិ៍សាត់ដែលដឹកនាំដោយលោកជំទាវហ៊ុន ចាន់ធី ម៉ៅ ធនិន ប្រធានកិត្តិយស លោកជំទាវឯម ប៉ុណ្ណា សមាជិករដ្ឋសភា
ខេត្តពោធិ៍សាត់ ៖ ប្រតិភូសមាគមនារីកម្ពុជាដើម្បីសន្តិភាព និងអភិវឌ្ព្យន៍ខេត្តពោធិ៍សាត់ដែលដឹកនាំដោយលោកជំទាវហ៊ុន ចាន់ធី ម៉ៅ ធនិន ប្រធានកិត្តិយស លោកជំទាវឯម ប៉ុណ្ណា សមាជិករដ្ឋសភា លោកស្រីជុក សុផានី អភិបាលរងខេត្ត និងលោកស្រីឈឹម ស៊ីណា ជាប្រធានសមាគម កាលពីរសៀលថ្ងៃទី២៥ មីនា ២០១៥ បានអញ្ជើញចុះជួបសំណេះសំណាលសួរសុខទុក្ខ និងនាំយកអំណោយមួយចំនួនទៅចែកជូនកុមារកំព្រាដែលរស់នៅក្នុងមជ្ឈមណ្ឌលចិញ្ចឹមកុមារកំព្រាពោធិ៍សាត់ ព្រមទាំងបានរៀបចំអាហារឲ្យហូបចុកដើម្បីសម្ដែងពីទឹកចិត្តស្រលាញ់រាប់អានផងដែរ។
លោកញឹក សារ៉េត ប្រធានមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្តបានជំរាបជូនថា សព្វថ្ងៃនេះនៅក្នុងមជ្ឈមណ្ឌលចិញ្ចឹមកុមារកំព្រាពោធិ៍សាត់មានបុគ្គលិកចំនួន១២នាក់, កុមារ៥៩នាក់ ក្នុងនោះ២២នាក់បានទៅរៀននៅតាមបណ្ដាខេត្ត និងរាជធានីភ្នំពេញដើម្បីរកជំនាញ។
កុមាររស់នៅក្នុងមណ្ឌលជាក់ស្ដែង៣៧នាក់ ស្រី១៩នាក់ រៀននៅសាលាបឋមសិក្សា១៣នាក់ អនុវិទ្យាល័យ១១នាក់ វិទ្យាល័យ១០នាក់ និងមត្តេយ្យ០៣នាក់។ កុមាររស់នៅក្នុងមណ្ឌលទទួលបានការបីបាច់ថែរក្សាពីអ្នកគ្រប់គ្រងដោយយកចិត្តទុកដាក់បំផុតទាំងការស្នាក់នៅ ហូបចុក រៀនសូត្រ អនាម័យ និងការអប់រំទូន្មានប្រៀនប្រដៅជាដើម។
ទាំងអស់នេះដោយសារបានការយកចិត្តទុកដាក់ពីរាជរដ្ឋាភិបាល, មន្ទីរ, អង្គការដៃគូ និងសប្បុរសជននានាដែលតែងតែមានសណ្ដានចិត្តសប្បុរសធ៌មចំពោះកុមារកំព្រានៅទីនេះ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ