ខេត្តរតនគិរី៖ ជាក់ស្តែងករណីគ្រោះថ្នាក់ចរាចរខាងក្រោមនេះ រថយន្តឡង់គ្រីស័រទំនងដឹកឈើបានបុកម៉ូតូ១គ្រឿង បណ្តាលអោយបុរសម្នាក់របួសធ្ងន់ ហើយបន្ថែមល្បឿនបើករត់គេចបាត់ ស្រមោល កាលវេលាម៉ោង៨និង១០នាទីយប់ ថ្ងៃទី២៥ ខែមីនា ឆ្នាំ២០១៥ ត្រង់ចំណុចផ្លូវបែកជា៤ស្ថិតក្នុងភូមិអូរកន្សែង
ខេត្តរតនគិរី៖ ជាក់ស្តែងករណីគ្រោះថ្នាក់ចរាចរខាងក្រោមនេះ រថយន្តឡង់គ្រីស័រទំនងដឹកឈើបានបុកម៉ូតូ១គ្រឿង បណ្តាលអោយបុរសម្នាក់របួសធ្ងន់ ហើយបន្ថែមល្បឿនបើករត់គេចបាត់ ស្រមោល កាលវេលាម៉ោង៨និង១០នាទីយប់ ថ្ងៃទី២៥ ខែមីនា ឆ្នាំ២០១៥ ត្រង់ចំណុចផ្លូវបែកជា៤ស្ថិតក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ។ ភ្លាមៗសមត្ថកិច្ចមូលដ្ឋាន និងនគរបាលចរាចរណ៍នៃស្នងការនគរបាលខេត្តចុះជួយអន្តរាគមន៍ដឹកជនរងគ្រោះទៅសង្គ្រោះបន្ទាន់នៅមន្ទីរពេទ្យបង្អែកខេត្តរតនគិរីផងដែរ ។
សាក្សីនៅកន្លែងកើតហេតុបានឲ្យដឹងថា គេបានឃើញរថយន្តឡង់គ្រីស័រ ពណ៌ខ្មៅមិនចាំស្លាកលេខ ធ្វើដំណើរពីលិចទៅកើត ក្នុងល្បឿនលឿន ស្របពេលម៉ូតូម៉ាកC125ពណ៌ខ្មៅ គ្មានស្លាកលេខ ជិះម្នាក់ឯងមានទិសដៅពីជើងទៅត្បូង មកដល់ផ្លូវបំបែកជា៤ក្បែរមន្ទីរបរិស្ថានត្រូវរថយន្តបុកចំពាក់កណ្តាលពេញទំហឹង បណ្តាលឲ្យម៉ូតូដាច់កង់មុខ និងបុរសម្នាក់រងរបួសធ្ងន់ ។ យ៉ាងណាក៏ដោយសមត្ថកិច្ចមិនទាន់ស្គាល់អត្តសញ្ញាណជនរងគ្រោះនោះទេ ព្រោះស្ថិតក្នុងស្ថានភាពរបួសធ្ងន់ ។ចំណែក និងអ្នកបើកបររថយន្ត របង្កហេតុទំនងជាដឹកឈើបានបើកបន្ថែមល្បឿនរត់គេចខ្លួនបាត់នេះបើកតាមការអះអាងរបស់អ្នកភូមិថារថយន្តបង្ក មានលំនៅដ្ឋានក្រោយមន្ទីរបរិស្ថានខេត្ត ស្ថិតក្នុងភូមិ ឃុំខាងលើហើយរថយន្តឡង់គ្រីស័រខាងលើនេះបើកបរមានល្បឿនលឿនខ្លាំង ហើយជាមធ្យោបាយសំរាប់ដឹកជញ្ជូនឈើប្រណិតយ៉ាងសកម្មយកទៅលក់នៅប្រទេសវៀតណាមថែមទៀតផង ៕
ចែករំលែកព័តមាននេះ