រាជធានីភ្នំពេញ ៖ ព្រះគ្រួsri sri Rari Shangkar ដែលស្គាល់ថា ជាព្រះគ្រូ និងមេដឹកនាំជាលក្ខណៈសាសនា និងមនុស្សដ៏ល្បីល្បាញបានបង្ហាញខ្លួនក្នុងកម្មវិធីបើកកិច្ចសន្ទនាស្តីពីការចម្រុញក្រមសីលធម៌ផ្នែក
រាជធានីភ្នំពេញ ៖ ព្រះគ្រួsri sri Rari Shangkar ដែលស្គាល់ថា ជាព្រះគ្រូ និងមេដឹកនាំជាលក្ខណៈសាសនា និងមនុស្សដ៏ល្បីល្បាញបានបង្ហាញខ្លួនក្នុងកម្មវិធីបើកកិច្ចសន្ទនាស្តីពីការចម្រុញក្រមសីលធម៌ផ្នែកធុរកិច្ច ការអភិវឌ្ឍខ្លួនការរស់នៅដោយក្តីរីករាយ ពិសេសបើកទិវា yoga អន្តរជាតិនៅកម្ពុជា។
ពិធីនេះត្រូវបានរៀបចំធ្វើឡើងនៅថ្ងៃទី២៥ មីនា ២០១៥ នៅកោះពេជ្រ ក្រោមវត្តមានលោកឧបនាយករដ្ឋមន្ត្រី សុខ អាន រដ្ឋមន្ត្រីទទួលបន្ទុកទីស្តីកាគណៈរដ្ឋមន្ត្រី។ ថ្លែងនាឱកាសនោះលោកបណ្ឌិតសភាចារ្យសុខ អាន បានចាត់ទុកព្រឹត្តិការណ៍នេះថា មានសារសំខាន់សម្រាប់យើងទាំងអស់គ្នា ព្រោះវាមិនគ្រាន់តែជាមោនភាពនៃវត្តមានព្រះគ្រួ sri sri Rari Shangkar ប៉ុណ្តោះទេ ប៉ុន្តែកម្មវិធី yoga អន្តរជាតិនេះបង្ហាញនូវទស្សនវិស័យផ្តោតលើពិភពលោកមួយដែលគ្មានអំពើហិង្សា និងគ្មានស្ត្រេស (stress) ហើយគំនិតផ្តួចផ្តើមរបស់ព្រះគ្រូ រួមមាន ការដោះស្រាយជម្លោះ ការកាត់បន្ថយស្ត្រេស ការកាត់បន្ថយភាពក្រីក្រ និងការសិក្សាសម្រាប់ទាំងអស់គ្នា ដើម្បីចែករំលែកនូវទស្សនាទានបែបទស្សនវិជ្ជាចំពោះជីវិត ដែលគាត់បាននិងកំពុងផ្តល់ដល់ពិភពលោកអស់រយៈពេលជាង៣០ឆ្នាំមកហើយ។
លោកបញ្ជាក់ថា អង្គការរបស់ព្រះគ្រូ គឺអង្គការ The Art of Living បានរៀបចំកម្មវិធីប្លែកៗជាច្រើនសម្រាប់ប្រជាជនគ្រប់មជ្ឈដ្ឋាន នៅទូទាំងពិភពលោក ដោយផ្តោតលើការពង្រឹងគុណភាពជីវិតតាមរយៈកម្មវិធីការអភិវឌ្ឍខ្លួន និងកាត់បន្ថយស្ត្រេស ដើម្បីឱ្យអ្នកទាំងនោះអាចប្រឈមនឹងបញ្ហានានានៅក្នុងជីវិត និងអាចរស់នៅប្រកបដោយសុខភាពល្អ និងមានសុភមង្គល៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ