ខេត្តសៀមរាប ៖ សមត្ថកិច្ចចម្រុះរួមមាន ប៉េអឹម, កម្លាំងការិយាល័យព្រហ្មទណ្ឌកម្រិតស្រាល, អធិការក្រុងសៀមរាប និងនគរបាលប៉ុស្តិ៍ ដែលដឹកនាំផ្ទាល់ដោយលោកជួន សុបញ្ញា ព្រះរាជ្ញអាជ្ញារងអមសាលាដំបូងខេត្ត បានឱ្យកម្លាំងជំនាញតាមដានមុខសញ្ញារហូត
ខេត្តសៀមរាប ៖ សមត្ថកិច្ចចម្រុះរួមមាន ប៉េអឹម, កម្លាំងការិយាល័យព្រហ្មទណ្ឌកម្រិតស្រាល, អធិការក្រុងសៀមរាប និងនគរបាលប៉ុស្តិ៍ ដែលដឹកនាំផ្ទាល់ដោយលោកជួន សុបញ្ញា ព្រះរាជ្ញអាជ្ញារងអមសាលាដំបូងខេត្ត បានឱ្យកម្លាំងជំនាញតាមដានមុខសញ្ញារហូតឈានដល់ឃាត់ខ្លួនបានជាបន្តបន្ទាប់ជនសង្ស័យប្រុស-ស្រីចំនួន៩នាក់ ក្នុងនោះមានកាច់សោ.កម៉ូតូចំនួន៤នាក់ និងអ្នកប្រើប្រាស់គ្រឿងញៀនស្រី-ប្រុសចំនួន៥នាក់ កាលពីថ្ងៃទី២៣-២៤ មីនា ២០១៥ ស្ថិតនៅក្រុងសៀមរាប ។
ហេតុការណ៍ឃាត់ខ្លួនជនសង្ស័យទាំង៩នាក់នេះ ខណៈជនសង្ស័យកំពុងកាច់ស្លាកលេខគ្រវែងចោល និងបន្តទៅយកបក្សពួកតាមផ្ទះជួល ស្ថិតនៅក្នុងសង្កាត់អំពិល, សង្កាត់ស្លក្រាម និងសង្កាត់គោកចក ។
លោកវរសេនីយទោ ទិត្យ ណារ៉ុង អធិការក្រុងសៀមរាបបានប្រាប់នៅថ្ងៃទី២៤ មីនា ២០១៥ នេះថា បន្ទាប់ពីមានបណ្តឹងរបស់ពលរដ្ឋ កម្លាំងនគរបាលក្រុងបានសហការដ៏ល្អជាមួយកម្លាំងជំនាញ រហូតឈានទៅដល់ធ្វើការឃាត់ខ្លួនបានជនសង្ស័យ២នាក់ស្ថិតនៅចំណុចមុខទីបញ្ជាការកងរាជអាវុធហត្ថក្រុង ក្នុងសង្កាត់អំពិល ខណៈពួកគេកំពុងកាច់ដោះស្លាកលេខបោះចោល ពេលឃើញកម្លាំងប៉ុស្តិ៍ចុះល្បាត ក៏នាំគ្នារត់ពួនក្នុងព្រៃទុកម៉ូតូចោល ។ ពេលនោះកម្លាំងរបស់យើង ក៏ដេញតាមចាប់បានភ្លាមៗ រួចបញ្ជូនមកកាន់អធិការក្រុង ដើម្បីសួរនាំបន្ត។
លោកបន្តថា ជនសង្ស័យទាំង២នាក់មានឈ្មោះហែម ម៉ៅ អាយុ២៥ឆ្នាំ រស់នៅភូមិបន្ទាយចាស់ សង្កាត់ស្លក្រាម (ជាអ្នកធ្វើសកម្មភាពលួចកាច់សោ.កម៉ូតូ) រួចឆែកខ្លួនឈ្មោះហែម ម៉ៅ ក៏ឃើញឧបករណ៍ប្រើប្រាស់គ្រឿងញៀន និង២-ឈ្មោះគង់ ចន្ថា ហៅកាណា ភេទប្រុស អាយុ៣២ឆ្នាំ ស្នាក់នៅភូមិសាលាកន្សែង សង្កាត់ស្វាយដង្គំ (ជាអ្នកមើលផ្លូវ) ហើយពួកគេទាំង២នាក់ បានធ្វើសកម្មភាពយកដែកអក្សរ T កាច់សោ.កម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១១ ពាក់ស្លាកលេខភ្នំពេញ ១AW-៤២៤៤ របស់ជនរងគ្រោះដែលជាម្ចាស់ម៉ូតូមានឈ្មោះអ៊ិន ចយ ភេទប្រុស អាយុ២៩ឆ្នាំ ជាបុគ្គលិកចុងភៅនៅភោជនីយដ្ឋានប៊ូទិក អង្គរ រស់នៅភូមិកើតហេតុខាងលើ ដែលជនរងគ្រោះបានទុកម៉ូតូនៅពីមុខកន្លែងធ្វើការភូមិគ្រឹះអង្គរប៊ូទិក ។
លោកបន្តថា នៅថ្ងៃទី២៤ មីនា កម្លាំងជំនាញក៏បានទៅយកបក្សពួកបន្តបន្ទាប់នៅតាមផ្ទះជួលផ្សេងៗគ្នា បានជនសង្ស័យប្រុស-ស្រីថែមទៀត ក្នុងនោះ ១-ឈ្មោះស៊ុក ហូរ អាយុ២៣ឆ្នាំ រស់នៅភូមិវាល សង្កាត់គោកចក ២-ឈ្មោះម៉ុល ដូរ អាយុ២៤ឆ្នាំ មានស្រុកកំណើតភូមិថ្កូវ ឃុំកំពង់ថ្កូវ ស្រុកក្រឡាញ់ ខេត្តសៀមរាប ៣-ឈ្មោះសុខ ចិន្ថា អាយុ១៨ឆ្នាំ រស់នៅភូមិបឹងដូនប៉ា សង្កាត់ស្លក្រាម ៤-ឈ្មោះឡេង សុជាតិ អាយុ១៨ឆ្នាំ រស់នៅភូមិមណ្ឌល៣ សង្កាត់ស្លក្រាម ៥-ឈ្មោះចាន់តឿ ភេទស្រី អាយុ១៩ឆ្នាំ រស់នៅភូមិមណ្ឌល៣ សង្កាត់ស្លក្រាម ៥-ឈ្មោះប៉ែត ទី អាយុ២៩ឆ្នាំ រស់នៅភូមិវាល សង្កាត់គោកចក ៦-ឈ្មោះឃិន សាយ័ន្ត អាយុ២២ឆ្នាំរស់នៅភូមិវាល សង្កាត់គោកចក ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ