ខេត្តបន្ទាយមានជ័យ ៖ បុរសម្នាក់ស្រវឹងស្រាបើកម៉ូតូដួលខ្លួនឯងបាក់.កស្លាប់ ។ ហេតុការណ៍នេះបានកើតឡើងកាលពីវេលាម៉ោង១១ និង១៥នាទីយប់ ថ្ងៃទី២៤ មីនា លើផ្លូវលំពីភូមិចែងទៅភូមិអំពិលព្រង់ ឃុំទ្រាស ស្រុកស្វាយចេក ។
ប្រភពព័ត៌មានពីលោកអធិការនគរបាលស្រុកស្វាយចេកបានឲ្យដឹងថា ជនរងគ្រោះត្រូវបានគេស្គាល់ឈ្មោះនឹម នឿយ ភេទប្រុស អាយុ៤២ឆ្នាំ នៅភូមិអំពិលព្រង់ ឃុំទ្រាស ស្រុកស្វាយចេក បើកម៉ូតូម៉ាកហុងដាឌ្រីមសេ១២៥ ស៊េរី២០១៤ ពណ៌ខ្មៅ ពាក់ស្លាកលេខប.មានជ័យ 1I.6259។
លោកអធិការបានបញ្ជាក់ថា មុនពេលកើតហេតុគេឃើញជនរងគ្រោះបើកម៉ូតូក្នុងទិសដៅពីកើតទៅលិចមានល្បឿនលឿនក្នុងស្ថានភាពស្រវឹង ពេលមកដល់ចំណុចស្រះចែងចម្ងាយ១៥០ម៉ែត្រ ជាផ្លូវកោងជនរងគ្រោះបានបើកជ្រុលធ្លាក់ពីលើផ្លូវបាក់.កស្លាប់ភ្លាមៗតែម្តង។
ក្រោយកើតហេតុ សាកសព និងម៉ូតូត្រូវបានសមត្ថកិច្ចប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី៕
ចែករំលែកព័តមាននេះ