រូបភាពប្លែកៗគួរឱ្យចាប់អារម្មណ៍នៅលើពិភពលោក
១-ដាក់កូនក្នុងកាបូបយួរ
នាងស៊ូអ៊័រ អាយុ២៦ឆ្នាំ ជនជាតិចិនដាក់កូនក្នុងកាបូបយួររងការរិះគន់ពីមហាជន ប៉ុន្តែនាងបានដោះសាថា គ្រាន់តែដើម្បីភាពសប្បាយរីករាយប៉ុណ្ណោះ ។
១-ដាក់កូនក្នុងកាបូបយួរ
នាងស៊ូអ៊័រ អាយុ២៦ឆ្នាំ ជនជាតិចិនដាក់កូនក្នុងកាបូបយួររងការរិះគន់ពីមហាជន ប៉ុន្តែនាងបានដោះសាថា គ្រាន់តែដើម្បីភាពសប្បាយរីករាយប៉ុណ្ណោះ ។
២-គ្រែរាងឆ្លាម
ភាពយន្តរឿង «Jaws» បង្ហាញឆ្លាមដ៏កាចសាហាវរបស់ផលិតកម្មលោកស្ទីវ៉េន ស្ពីលប៊ើក ដែលទទួលការពេញនិយមពីទស្សនិកជនតាំងពីច្រើនឆ្នាំមុន បច្ចុប្បន្នបានចេញម៉ូដច្នៃជាគ្រែឆ្លាម និងមានទារកដេកនៅត្រង់មាត់ប្រៀបដូចជាកំពុងលេបត្របាក់ ។
៣-ដេញថ្លៃយន្តហោះរបស់ស្តេចចម្រៀងរ៉ុក
បន្ទប់ដ៏ស្រស់ស្អាតមួយនៅក្នុងយន្តហោះ «Lisa Marie»ជាយន្តហោះរបស់លោកអេលវីល ប្រេស្ល៊ី ស្តេចចម្រៀង «រ៉ុកអ៊ែនរ៉ូល»បានតាំងបង្ហាញនៅក្នុងរោងរក្សាទុកយន្តហោះនៅរដ្ឋថេនណេសស៊ី សហរដ្ឋអាមេរិក មុនពេលដាក់ឱ្យដេញថ្លៃនៅក្រុងបេវើលីហ៊ីល រដ្ឋកាលីហ្វ៊័រនីញ៉ា ដោយរំពឹងថានឹងបានតម្លៃខ្ពស់ ។
៤-ពិព័រណ៍យន្តហោះនៅអូស្ត្រាលី
មេដឹកនាំជនអំបូរ «វ៉ាថៅរ៉ុង» របស់អូស្ត្រាលី ឈរទស្សនាយន្តហោះប្រដេញ F-18 របស់ទ័ពអាកាសអូស្ត្រាលី នៅក្នុងពិព័រណ៍ការហោះហើរនៅអាកាសយានដ្ឋាន «អាវ៉ាឡុន» ភាគខាងលិចឆៀងខាងត្បូងក្រុងមេលប៊ន ។
៥-ជនជាតិរុស្ស៊ីចូលចិត្តចិញ្ចឹមឆ្មា
រូបគំនូរដ៏លេចធ្លោមួយក្នុងពិព័រណ៍នៅក្រុងមូស្គូ ប្រទេសរុស្ស៊ី បង្ហាញឱ្យឃើញពីការពេញនិយមលើការចិញ្ចឹមឆ្មារបស់ជនជាតិរុស្ស៊ីដែលមានកំណើនខ្ពស់ជាបន្តបន្ទាប់ ។
៦-ប្រឆាំងនឹងកសិដ្ឋានចិញ្ចឹមចៀមយករោម
តារាម៉ូដែលស្ថិតក្នុងអាវរោមសត្វចងបិទភ្នែកពីក្រណាត់ខ្មៅកាន់តុក្កតាកូនចៀម មានប្រឡាក់ឈាមប្រឆាំងដល់ឧស្សាហកម្មផលិតក្រណាត់រោម
សត្វនៅក្រុងឡុងដ៍ ។
៧-មនុស្សយន្ត «ខ្លាឃ្មុំ»
«រ៉ូប៊ែរ» ជាមនុស្សយន្តខ្លាឃ្មុំ លើកបីស្ត្រីអ្នកជំងឺម្នាក់នៅទីក្រុងណាកូយ៉ា ប្រទេសជប៉ុន ។ មនុស្សយន្តនេះមានក្បាលជាខ្លាឃ្មុំតំបន់ប៉ូល ភ្នែកធំអាចលើកបីអ្នកជំងឺពីរទេះរុញដាល់លើគ្រែបាន ។
៨-មេអំបៅទំលើច្រមុះ
មេអំបៅមួយក្បាលទំលើច្រមុះស្ត្រីម្នាក់ ខណៈពេលដើរទស្សនាពិព័រណ៍មេអំបៅនៅក្រុងប៊ិកខេក ប្រទេសកៀហ្ស៊ីស៊ីស្ថាន ជាមេអំបៅមានស្លាបពណ៌ក្រហម ក្រមៅ ប្រទះឃើញច្រើននៅក្នុងព្រៃទ្វីបអាស៊ី ៕
ចែករំលែកព័តមាននេះ