យោងតាមសេចក្តីប្រកាសមួយ ចេញផ្សាយកាលពីថ្ងៃទី២៣ មីនា ដោយខុទ្ទកាល័យនាយករដ្ឋមន្ត្រីថា លោក លី ក្វាន់យូ អតីតនាយករដ្ឋមន្ត្រីសិង្ហបុរី ទទួលមរណភាព ហើយនាវេលាម៉ោង៣និង១២នាទី
យោងតាមសេចក្តីប្រកាសមួយ ចេញផ្សាយកាលពីថ្ងៃទី២៣ មីនា ដោយខុទ្ទកាល័យនាយករដ្ឋមន្ត្រីថា លោក លី ក្វាន់យូ អតីតនាយករដ្ឋមន្ត្រីសិង្ហបុរី ទទួលមរណភាព ហើយនាវេលាម៉ោង៣និង១២នាទីទៀបភ្លឺ ថ្ងៃទី២៣ មីនា នោះ ក្នុងជន្មាយុ៩១ឆ្នាំ ។
សេចក្តីប្រកាសនោះ គូសបញ្ជាក់ថា លោក លី ក្វាន់យូ បានចាកចោលយើងដោយស្ងប់ហើយ ។ លោកបានចូលមន្ទីរពេទ្យដោយសារមានអាការរលាកសួតធ្ងន់ធ្ងរ ចាប់តាំងពីថ្ងៃទី៥ កុម្ភៈ មក ។ ខុទ្ទកាល័យនាយករដ្ឋមន្ត្រី គូសបញ្ជាក់ថា ស្ថានភាពសុខភាពរបស់លោកបានគ្រាន់បើបន្តិច កាលពីថ្ងៃទី២៨ កុម្ភៈ ក៏ប៉ុន្តែក្រោយមកគឺនាថ្ងៃទី១៧ មីនា ធ្លាក់ចុះដុនដាបខ្លាំង រហូតដល់ខុទ្ទកាល័យនាយករដ្ឋមន្ត្រី ចេញផ្សាយនាវេលាថ្ងៃត្រង់ ថ្ងៃទី២១ មីនា ពីស្ថានភាពដុនដាបនោះ ដោយគូសបញ្ជាក់ថា អាការជំងឺរបស់លោកដាបខ្លាំងបំផុតហើយ ។
ជំងឺរបស់លោក បានរារាំងមិនឱ្យលោកអាចទៅចូលរួមពិធីសាធារណៈជាច្រើន និងក្នុងការបោះឆ្នោតនាពេលថ្មីៗនេះ ។ ការលេចមុខជាសាធារណៈចុងក្រោយរបស់លោក គឺនាឱកាសខួបលើកទី៦០ នៃថ្ងៃបង្កើតគណបក្សសកម្មភាពប្រជាជនកាលពីខែវិច្ឆិកា កន្លងមកនេះ និងនាថ្ងៃដាំដើមឈើ នាពេលមុននោះ ក្នុងខែកញ្ញា ដែរ ។
ជាសមាជិកសភាមណ្ឌល Tanjong Pagar លោក លី ក្វាន់យូ ក៏បានចូលរួមក្នុងពិធីជប់លៀងមួយ នាឱកាសបុណ្យជាតិនៅ Tanjong Pagar កាលពីខែសីហា ២០១៤ ។
លោក លី ក្វាន់យូ ជាបិតាស្ថាបនិកសិង្ហបុរី ដោយលោកកើតនៅខែកញ្ញា ឆ្នាំ១៩២៣ ។ លោកធ្វើជានាយករដ្ឋមន្ត្រីសិង្ហបុរីពីឆ្នាំ១៩៥៩ ដល់ឆ្នាំ១៩៩០ រួចបន្ទាប់មកជារដ្ឋមន្ត្រីទទួលបន្ទុកណែនាំ ក្រោយចាកចេញពីតំណែង ៕
ចែករំលែកព័តមាននេះ