ខេត្តបាត់ដំបង ៖ ជនសង្ស័យជួញដូរគ្រឿងញៀន២នាក់ ត្រូវកម្លាំងសមត្ថកិច្ចស្រុកកំរៀងធ្វើការឃាត់ខ្លួនបាន ខណៈកំពុងជិះរថយន្តម៉ាកឡិចស៊ីស ពណ៌ខ្មៅ ពាក់ស្លាកលេខភ្នំពេញ2F-3470 មួយគ្រឿង កាលពីវេលាម៉ោង១១ និង៣០នាទីព្រឹកថ្ងៃទី០៦ មីនា ២០១៥ នេះ ស្ថិតនៅចំណុចផ្លូវជាតិលេខ៥៧B ក្នុងភូមិតាគ្រី ស្រុកកំរៀង ខេត្តបាត់ដំបង ។
ប្រភពបានឱ្យដឹងថា ជនសង្ស័យម្នាក់ត្រូវស្គាល់ឈ្មោះឈិត ហិប មានទីលំនៅក្នុងភូមិបឹងត្រាំ ឃុំបឹងត្រាំ ស្រុកបវេល និងម្នាក់ទៀតមិនស្គាល់អត្តសញ្ញាណ ។ ចំណែកឯវត្ថុតាងដែលដកហូតបានមានថ្នាំញៀនប្រភេទមេតំហ្វេតាមីន (យ៉ាម៉ា) ចំនួន១៤៩គ្រាប់ និងម៉ាប្រភេទម្សៅ (ទឹកកក)១ថង់តូចផងដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ