ខេត្តតាកែវ ៖ សង្វៀនជល់មាន់នៅច្រកទ្វារអន្តរជាតិភ្នំដិនបើកលេងយ៉ាងគគ្រឹកគគ្រេងរាល់ថ្ងៃ ខណៈសង្វៀនជល់មាន់មួយនេះមានទីតាំងជាប់នឹងច្រកទ្វារអន្តរជាតិភ្នំដិន ក្នុងស្រុកគិរីវង់ ខេត្តតាកែវ បានបើកដំណើរការដោយខុសច្បាប់អោយអ្នកញៀនល្បែងចូលលេងជាច្រើនថ្ងៃមកហើយ សូម្បីតែអាជ្ញាធរ និងសមត្ថកិច្ចស្រុក ក៏អត់ហ៊ានទៅសួរនាំអ្វីឡើយ ក៏ព្រោះតែទីតាំងសង្វៀនជល់មាន់មួយនេះ មានខ្នងបង្អែកធំ ទើបគេហ៊ានបើកលេងមិនញញើតនឹងអ្នកណាបែបនេះ ។
លោកវរៈសេនី ត្រីយុក សាវ៉ាត អធិការនគរបាលស្រុកគិរីវង់បានឲ្យដឹងថា សង្វៀនជល់មាន់ដែលគេកំពុងបើកលេងនេះ គេអត់បានអោយដំណឹងដល់យើងទេ ហើយយើងក៏អត់ហ៊ានទៅសួរនាំដែរ ។
ប្រភពប្រជាពលរដ្ឋបាននិយាយ ថា កន្លងទៅនេះលោក ឡាយ វណ្ណៈ អភិបាលខេត្តតាកែវ បានបញ្ជាដល់ប៉ូលិស ប៉េអ៊ឹម រួមនឹងតុលាការបង្ក្រាបល្បែងបៀអាប៉ោង កន្ទុយលេខ និងជល់មាន់ អោយអស់ពីតំបន់របស់ខ្លួនកាន់កាប់ទទួលបានជោគជ័យ តែដោយឡែក ចំពោះសង្វៀនជល់មាន់ដែលកំពុងតែបើកលេងយ៉ាងគក្រឹកគក្រេងរាល់ ថ្ងៃនេះ បែរជាអត់មានវិធានការបង្ក្រាបទៅវិញ ៕
ចែករំលែកព័តមាននេះ