ត្រឡប់ពីផឹកស៊ីស្រវឹងបើកម៉ូតូចូលឡានបុកស្លា.ប់ភ្លាម
ខេត្តកំពង់ស្ពឺ ៖ បុរសម្នាក់ទើបត្រឡប់មកពីផឹកស៊ីបានជិះម៉ូតូទៅបុកឡានដែលធ្វើ ដំណើរបញ្ច្រាសទិគ្នាចំពីមុខពេញមួយទំហឹងបណ្តាលឱ្យស្លា.ប់ភ្លាមៗនៅ នឹងកន្លែង។
ខេត្តកំពង់ស្ពឺ ៖ បុរសម្នាក់ទើបត្រឡប់មកពីផឹកស៊ីបានជិះម៉ូតូទៅបុកឡានដែលធ្វើ ដំណើរបញ្ច្រាសទិគ្នាចំពីមុខពេញមួយទំហឹងបណ្តាលឱ្យស្លាប់ភ្លាមៗនៅ នឹងកន្លែង។ ករណីគ្រោះថ្នាក់ចរាចរណ៍នេះកើតឡើងកាលពីវេលាម៉ោង៤ និង២៥នាទីទៀបភ្លឺ ថ្ងៃទី៦ មីនា ២០១៥ តាមបណ្តោយផ្លូវជាតិលេខ៤ចន្លោះគីឡូម៉ែត្រ៤៧-៤៨ ស្ថិតក្នុងភូមិពាណិជ្ជកម្ម សង្កាត់រកាធំ ក្រុងច្បារមន ។
ជនរងគ្រោះត្រូវបានគេស្គាល់ឈ្មោះអៀម វ៉េត ភេទប្រុស អាយុ២៨ឆ្នាំ មានទីលំនៅភូមិកងវៀន សង្កាត់កណ្តោលដុំ ក្រុងច្បារមន ជិះម៉ូតូគុប៩០ពណ៌ខៀវ គ្មានស្លាកលេខចំណែកអ្នកបើកបរមិនស្គាល់អត្តសញ្ញាណ បើករថយន្តម៉ាកហុីយ៉ាន់ដាយក្បាលខៀវទ្រុងសគ្មានស្លាខលេខ។
បើតាមសាក្សីនៅជិតកន្លែងកើតហេតុបានបំភ្លឺប្រាប់សមត្ថកិច្ចថា មុនពេលកើតហេតុគេបានឃើញបុរសម្នាក់ជិះម៉ូតូគុបម្នាក់ឯងទិសដៅពី កើតទៅលិចរេពេញផ្លូវក្នុងស្ថានភាពស្រវឹងខ្លាំង លុះមកដល់កន្លែងកើតហេតុក៏រេចង្កូតចូលទៅក្នុងចំណែកផ្លូវរថយន្ត ដែលធ្វើដំណើរពីលិចទៅកើត(បញ្ច្រាសទិសគ្នា)ពេលនោះអ្នកបើករថយន្ត បានងាកចង្កូតគេចដែរ តែគេចមិនផុតក៏បុកពេញមួយទំហឹងបណ្តាលឱ្យអ្នកបើកម៉ូតូស្លាប់ ភ្លាមមួយរំពេចន៍។
ក្រោយកើតហេតុគេបានឃើញអ្នកបើកបររថយន្តចុះគេចខ្លួនបាត់។ មន្ត្រីនគរបាលចរាចរណ៍បានឱ្យដឹងថា តាមការវាស់វែងឃើញថា ជនរងគ្រោះជិះម៉ូតូចូលទៅក្នុងចំណែកផ្លូវឡានទើបជួបគ្រោះអកុសល បែបនេះ៕
ចែករំលែកព័តមាននេះ