ខេត្តកំពង់ឆ្នាំង ៖ យ៉ាងហោចណាស់មនុស្ស៩នាក់ បានរងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍មួយកាលពីវេលាម៉ោង០៣ និង១០នាទីរសៀលថ្ងៃទី០៥ មីនា ២០១៥ ស្ថិតនៅលើកំណាត់ផ្លូវជាតិលេខ៥ ក្នុងភូមិស្រះកែវ ឃុំស្វាយជ្រុំ ស្រុករលាប្អៀរ
ខេត្តកំពង់ឆ្នាំង ៖ យ៉ាងហោចណាស់មនុស្ស៩នាក់ បានរងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍មួយកាលពីវេលាម៉ោង០៣ និង១០នាទីរសៀលថ្ងៃទី០៥ មីនា ២០១៥ ស្ថិតនៅលើកំណាត់ផ្លូវជាតិលេខ៥ ក្នុងភូមិស្រះកែវ ឃុំស្វាយជ្រុំ ស្រុករលាប្អៀរ ដែលបង្កឡើងដោយរថយន្តឡង់គ្រីស្ស័រទៅបុករថយន្តទូរីសពេញទំហឹង ក្នុងទិសដៅបញ្ច្រាសគ្នា ។
ប្រភពបានឱ្យដឹងថា គ្រោះថ្នាក់ចរាចរណ៍នេះបង្កឡើងដោយរថយន្តម៉ាកឡង់គ្រីស្ស័រ ពណ៌សំបកឪឡឹក ពាក់ស្លាកលេខកំពង់ចាម 2A-2152 បើកបរដោយឈ្មោះ ប៉ូ ចំរើន អាយុ៣១ឆ្នាំ ជាមន្ត្រីយោធាផ្នែកអង្គរក្ស និងរថយន្តម៉ាកទូរីស ពណ៌.ស ពាក់ស្លាកលេខ ភ្នំពេញ 2Y-9512 បើកបរដោយបុរសឈ្មោះ សុខ ចាន់ថែ អាយុ៤១ឆ្នាំ មានទីលំនៅភូមិនិមិត្ត៣ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។
ប្រភពបន្តថា មុនពេលកើតហេតុ រថយន្តម៉ាកទូរីសដែលជារថយន្តដឹកភ្ញៀវត្រឡប់ពីបុណ្យនៅភ្នំតាម៉ៅ ខេត្តតាកែវ ត្រឡប់ទៅខេត្តបន្ទាយមានជ័យវិញ ដោយធ្វើដំណើរតាមបណ្តោយផ្លូវជាតិពីទិសខាងត្បូងមកជើង ស្រាប់តែមកដល់ចំណុចកើតហេតុ មានរថយន្ត ឡង់គ្រីស្ស័រមួយគ្រឿងខាងលើនេះ បើកក្នុងល្បឿនលឿន ក្នុងដំណើរពីជើងទៅត្បូងបានវាក់និងរថយន្តមួយគ្រឿងផ្សេងទៀត បើកចេញពីថ្នល់លំក្នុងដំណើរពីលិចមកកើតឡើងមកថ្នល់ជាតិ ភ្លាមនោះរថយន្តឡង់គ្រីស័របានគេចមកឆ្វេងដៃ ក៏ទៅបុករថយន្តទួរីសតែម្តង បណ្តាលអោយអ្នកជិះក្នុងរថយន្តទូរីសចំនួន៩នាក់រងរបួស ក្នុងនោះរបួសធ្ងន់៤នាក់ (ស្រី៣) និងរបួសស្រាល៥នាក់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ