ខេត្តរតនគិរី ៖ ជនសង្ស័យពាក់ព័ន្ធគ្រឿងញៀ.នចំនួន៣នាក់ត្រូវបានកម្លាំងនគរបាលស្រុកវ៉ើនសៃធ្វើការឃាត់ខ្លួនបានកាលពីថ្ងៃទី០៤ ខែមីនា ឆ្នាំ២០១៥ វេលាម៉ោង៤ និង៤៥នាទីល្ងាច នៅត្រង់ចំណុចទំនប់ស្រែ ភូមិហ្វាំង ឃុំប៉ុង ស្រុកវ៉ើនសៃ ខេត្តរតនគិរី ។
ខេត្តរតនគិរី ៖ ជនសង្ស័យពាក់ព័ន្ធគ្រឿងញៀនចំនួន៣នាក់ត្រូវបានកម្លាំងនគរបាលស្រុកវ៉ើនសៃធ្វើការឃាត់ខ្លួនបានកាលពីថ្ងៃទី០៤ ខែមីនា ឆ្នាំ២០១៥ វេលាម៉ោង៤ និង៤៥នាទីល្ងាច នៅត្រង់ចំណុចទំនប់ស្រែ ភូមិហ្វាំង ឃុំប៉ុង ស្រុកវ៉ើនសៃ ខេត្តរតនគិរី ។
តាមការបំភ្លឺពីសមត្ថកិច្ចបានឱ្យដឹងថា ដោយមានការស៊ើបអង្កេតជាយូរមកហើយពីការសេព និងចែកចាយគ្រឿងញៀនរបស់ជនសង្ស័យ៣នាក់នេះនៅស្រុកវ៉ើនសៃ ហើយក៏បានធ្វើការឃាត់ខ្លួនខណៈកំពុងតែប្រើប្រាស់ និងចែកចាយ ដែលជនសង្ស័យទាំង៣នាក់នេះមានឈ្មោះ ១-លី ឡុច ភេទប្រុស អាយុ២៧ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ, ២-ប៉ាន់ សុគា ភេទប្រុស អាយុ២៨ឆ្នាំ ជនជាតិខ្មែរ មានមុខរបរមិនពិតប្រាកដ មានទីលំនៅបច្ចុប្បន្ននៅភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី និង ៣-ទ្រុយ ល៉ត់ ភេទប្រុស អាយុ២៨ឆ្នាំ ជនជាតិខ្មែរ មុខរបរធ្វើស្រែ មានទីលំនៅបច្ចុប្បន្ននៅភូមិហ្វាំង ឃុំប៉ុង ស្រុកវ៉ើនសៃ ខេត្តរតនគិរី។ ចំណែកវត្ថុតាងដែលដកហូតបានរូមមាន ម៉ូតូចំនួន៣គ្រឿង ទូរស័ព្ទដៃ៤គ្រឿង និងឧបករណ៍ប្រើប្រាស់គ្រឿងញៀនមួយចំនួនទៀត។
ប្រជាពលរដ្ឋក៏បានបញ្ជាក់បន្ថែមទៀតថា គ្រឿងញៀនពេលនេះមកដល់ទីជនបទហើយ សូមឱ្យសិស្សានុសិស្សជៀសឱ្យឆ្ងាយពីគ្រឿងញៀន។
បច្ចុប្បន្នកម្លាំងជំនាញកណ្តាលប្រឆាំងបទល្មើសគ្រឿងញៀនកំពុងកសាងសំណុំរឿង ព្រមទាំងវត្ថុតាងទៅសាលាដំបូងខេត្តរតនគិរី ៕
ចែករំលែកព័តមាននេះ