រាជធានីភ្នំពេញ ៖ អង្គប្រជុំប្រចាំខែរបស់អគ្គស្នងការនគរបាលជាតិ ថ្ងៃទី៥ មីនា មានការប្រកាសរៀបចំភារកិច្ចអគ្គស្នងការរងនគរ បាលជាតិ២រូប ឱ្យកាន់តំណែងថ្មីដែលមជ្ឈដ្ឋានទូទៅបានសម្លឹងឃើញថា ការផ្ទេរភារកិច្ចនោះពិតជាដាក់ខុសជំនាញ ហើយដែលពួក
រាជធានីភ្នំពេញ ៖ អង្គប្រជុំប្រចាំខែរបស់អគ្គស្នងការនគរបាលជាតិ ថ្ងៃទី៥ មីនា មានការប្រកាសរៀបចំភារកិច្ចអគ្គស្នងការរងនគរ បាលជាតិ២រូប ឱ្យកាន់តំណែងថ្មីដែលមជ្ឈដ្ឋានទូទៅបានសម្លឹងឃើញថា ការផ្ទេរភារកិច្ចនោះពិតជាដាក់ខុសជំនាញ ហើយដែលពួកគេនាំគ្នានិយាយគួរតែថ្នាក់លើ ឬក៏សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីពិនិត្យទ្បើងវិញដើម្បីកុំឱ្យការងារមិនទៅមុខ ។
កិច្ចប្រជុំបានប្រារព្ធធ្វើទ្បើងនៅអគ្គស្នងការនគរបាលជាតិ ក្រោមអធិបតីភាពលោកនាយឧត្តមសេនីយ៍ផ្កាយមាស៤ នេត សាវឿន អគ្គស្នងការនគរបាលជាតិ ព្រមទាំងមានការចូលរួមពីសំណាក់អគ្គស្នងការរង ស្នងការរាជធានី ខេត្ត ក្រុងទូទាំងប្រទេស ដែលជាអង្គប្រជុំបូកសរុបការងារប្រចាំខែ ។ ប៉ុន្តែអ្វីដែលអស់លោកស្នងការមកពីបណ្តាខេត្តនានា ចាប់អារម្មណ៍នោះត្រង់ចំណុចសំខាន់មួយ គឺអង្គប្រជុំបានយកនូវអនុក្រិត្យរបស់រាជរដ្ឋាភិបាលប្រកាសតែងតាំងមុខតំណែង និងផ្ទេរភារកិច្ចអគ្គស្នងការរង២រូបដាក់មិនចំជំនាញ ដែលគេហៅថា ដាក់ខុសប្រអប់ ។
មានអស់លោកស្នងការនគរបាលភាគច្រើនចចេចចចូចអ៊ូអរថា ដូចលោកឧត្តមសេនីយ៍ឯក ម៉ក ជីតូ អគ្គស្នងការរង ធ្លាប់មានបទ ពិសោធន៍ និងមានជំនាញ ក្នុងការងារសហការគ្រប់ខេត្តដឹកនាំបង្ក្រាបបទល្មើសព្រហ្មទណ្ឌ ដែលក្រុមចោរឬជនសង្គមងងឹតគ្រាន់តែឮឈ្មោះ បាក់បបខ្លបខ្លាច ។ ពួកគេថា លោកចេះសម្របសម្រួល និងទំនាក់ទំនងការទូតបានល្អជាមួយបក្សនយោបាយ កាត់បន្ថយសភាពការណ៍ពីភាពខ្មៅងងឹតឱ្យប្រសើទ្បើង រក្សាសន្តិសុខ សណ្តាប់ធ្នាប់សង្គម បែរជាត្រូវប្រកាសឱ្យទៅកាន់តំណែងជាអគ្គស្នងការរងនគរបាលជាតិ ទទួលអាជ្ញាធរជាតិប្រយុទ្ធប្រឆាំងគ្រឿងញៀនទៅវិញ ហើយបែរជាយកលោកឧត្តមសេនីយ៍ឯក កង សាខន អគ្គស្នងការរងមកទទួលការងារផែននគរបាលយុត្តិធម៌ក្រសួងមហាផ្ទៃ ដែលលោក កង សាខន មិនមានជំនាញការងារព្រហ្មទណ្ឌណានោះសោះទ្បើយ ។
បើតាមប្រភពព័ត៌មានបានឱ្យដឹងថា ការផ្ទេរភារកិច្ចលោកឧត្តមសេនីយ៍ឯក ម៉ក់ ជីតូ អគ្គស្នងការរងចេញពីមន្ត្រីនគរបាលយុត្តិធម៌បែបនេះ អាចនឹងធ្វើឱ្យមានបទល្មើសកើនទ្បើង ។ ប្រភពដដែលបានឱ្យដឹងទៀតថា មុននឹងមានការប្រកាសផ្ទេរភារកិច្ចនេះ ព័ត៌មានត្រូវបានធ្លាយទៅដល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី សម្តេចបានមានប្រតិកម្មទៅលោកនាយឧត្តម សេនីយ៍ នេត សាវឿន អគ្គស្នងការនគរជាតិ ឱ្យសើរើទ្បើងវិញ តម្រូវធ្វើលិខិតមួយដាក់ជូនទៅលោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ ឧ្យលោកឧត្តមសេនីយ៍ឯក ម៉ក់ ជីតូ នៅទទួលការងារនគរបាលយុត្តិធម៌ដដែល ។
ប្រភពដដែលនិយាយថា លោកនាយឧត្តមសេនីយ៍ នេត សាវឿន បានធ្វើលិខិតមួយដាក់ជូនលោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ សុំរៀបចំលោកឧត្តមសេនីយ៍ឯក កង សាខន អគ្គស្នងការរងជាប្រធាន ហើយលោកឧត្តមសេនីយ៍ឯក ម៉ក់ ជីតូ ជាអនុប្រធាន ទទួលការងាររួមគ្នាផែននគរបាលយុត្តិធម៌ ។ ប្រភពព័ត៌មានដដែលប្រាប់ថា ប៉ុន្តែត្រូវបានលោកឧបនាយករដ្ឋមន្ត្រី ស ខេង ច្រានចោល ពោលគឺចែកដាច់ពីគ្នា គឺលោកឧត្តមសេនីយ៍ឯក ម៉ក់ ជីតូ អគ្គស្នងការរងទទួលការងារអាជ្ញាធរជាតិប្រយុទ្ធប្រឆាំងគ្រឿងញៀន ។ ឯលោកឧត្តមសេនីយ៍ឯក កង សាខន អគ្គស្នងការរង ទទួលផែននគរបាលយុត្តិធម៌ ដូចអ្វីត្រូវបានប្រកាសជាផ្លូវការនេះ ។
មជ្ឈដ្ឋានទូទៅបានសម្លឹងឃើញថា ការផ្ទេរភារកិច្ចដូច្នេះពិតជាខុសជំនាញហើយ គួរតែថ្នាក់លើ ឬសម្តេចនាយករដ្ឋមន្ត្រីពិនិត្យ និងរៀបចំទ្បើងវិញ ដើម្បីឱ្យការងារព្រហ្មទណ្ឌដំណើរការបានរលូនបន្តទៅទៀត បើព្រហ្មទណ្ឌខ្លាំងជាបង្អែករឹងមាំនៃសន្តិសុខសង្គម ព្រោះថាកាលណាដាក់មនុស្សខុសជំនាញ ក្រែងថ្នាក់ខេត្តពិបាកសហការ ឬក្រែងលោចង្អុលមិនចំ ដែលថ្នាក់ស្នងការពិបាកសហការជាមួយ ៕
ចែករំលែកព័តមាននេះ