ម្ចាស់ចំការម្នាក់យកសាំងទៅដុតឈើមិនប្រយ័ត្នឆេះរបួសខ្លួនឯង
ខេត្តរតនគិរី៖ ម្ចាស់ចំការម្នាក់ដែលនៅជាប់កំពង់ទឹកមាត់ទន្លេសេសាន្តស្ថិតនៅក្នុងភូមិកាចូន ឃុំប៉ុង ស្រុកវ៉ឺនសៃ បានយកសាំងទៅដុតឈើមិនប្រយ័ត្នបណ្តាលឱ្យឆេះរបួស
ខេត្តរតនគិរី៖ ម្ចាស់ចំការម្នាក់ដែលនៅជាប់កំពង់ទឹកមាត់ទន្លេសេសាន្តស្ថិតនៅក្នុងភូមិកាចូន ឃុំប៉ុង ស្រុកវ៉ឺនសៃ បានយកសាំងទៅដុតឈើមិនប្រយ័ត្នបណ្តាលឱ្យឆេះរបួសខ្លួនឯង ។ ហេតុការណ៍នេះកើតឡើងកាលពីរសៀលថ្ងៃទី៤ មីនា ២០១៥ ត្រង់ចំណុចកំពង់ទឹកខាងលើ។
បើតាមលោកទឺ នូថង អធិការនគរបាលស្រុកវ៉ឺនសៃប្រាប់ឲ្យដឹងថា ម្ចាស់ចំការនេះមានឈ្មោះថា បូណា អាយុ៣១ឆ្នាំ ជាជនជាតិឡាវ ។
លោកអធិការបន្តថា ដោយសារដីចំការខាងលើមានកំពង់ទឹកជាប់មាត់ទន្លេសេសាន្ត មានឈើប្រណីតប្រភេទធ្នង់មួយដើមធំសណ្តូនក្នុងទឹកទន្លេនេះប្រមាណជា១០ឆ្នាំកន្លងមកហើយ ចៃដន្យមានបងប្អូនជនជាតិរស់នៅភូមិខាងលើយកសំណាញ់ទៅបង់ត្រីប្រទះឃើញប្រណីតមួយដើមនេះក៏លើកគ្នាមួយក្រុមបំរុងមកលើកឈើស្រង់ឡើងពីទឹក ស្រាប់តែម្ចាស់ចំការឃើញទាន់ក៏ទាញយកដបសាំងប្រុងទៅដុតឈើនោះចោលតែម្តង ប៉ុន្តែមិនប្រយ័ត្នត្រូវឆាបឆេះខ្លួនឯងទៅវិញ។
អធិការនគរបាលស្រុកវ៉ឺនសៃបញ្ជាក់ឲ្យដឹងថា បន្ទាប់ពីហេតុការណ៍កើតឡើងជនរងគ្រោះជាម្ចាស់ចំការត្រូវបានក្រុមគ្រួសារបញ្ជូនមកសម្រាកព្យាបាលនៅមន្ទីរពេទ្យបង្អែកខេត្តរតនគិរី ហើយរហូតមកដល់ពេលនេះគ្មានពាក្យបណ្តឹងណាមួយចូលមកដល់កន្លែងអធិការដ្ឋាននគរបាលដើម្បីចុះដោះស្រាយនោះទេ៕
ចែករំលែកព័តមាននេះ