ខេត្តកំពង់ឆ្នាំង ៖ មនុស្សប្រុស-ស្រី៥នាក់រងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍ផ្លូវទឹកមួយ កាលពីវេលាម៉ោង០៧និង១០នាទីយប់ថ្ងៃទី០៣ មីនា ២០១៥ ស្ថិតនៅក្នុងភូមិអន្លង់កញ្ចុះ ឃុំប្រឡាយមាស ស្រុកកំពង់លែង ខណៈដែលកាណូតឌុកដឹកត្រី
ខេត្តកំពង់ឆ្នាំង ៖ មនុស្សប្រុស-ស្រី៥នាក់រងរបួសធ្ងន់-ស្រាល ក្នុងហេតុការណ៍គ្រោះថ្នាក់ចរាចរណ៍ផ្លូវទឹកមួយ កាលពីវេលាម៉ោង០៧និង១០នាទីយប់ថ្ងៃទី០៣ មីនា ២០១៥ ស្ថិតនៅក្នុងភូមិអន្លង់កញ្ចុះ ឃុំប្រឡាយមាស ស្រុកកំពង់លែង ខណៈដែលកាណូតឌុកដឹកត្រីបើកបត់កាត់មុខ ត្រូវកាណូតដឹកគោយន្តបុកលិចក្នុងទន្លេ ។
លោកប៉ាល់ ជឿន អធិការនគរបាលស្រុកកំពង់លែងបានឱ្យដឹងថា ជនរងគ្រោះ១-ឈ្មោះហម សាខន អាយុ៤០ឆ្នាំ ភេទប្រុស (របួសធ្ងន់) ២-ឈ្មោះហឹម កញ្ញា អាយុ៣៧ឆ្នាំ ភេទស្រី (របួសធ្ងន់) ៣-ឈ្មោះរិន សុផល អាយុ៤ឆ្នាំ ភេទប្រុស (របួសស្រាល) ៤-ឈ្មោះ
យឹម ឌៀប ភេទស្រី អាយុ៣៧ឆ្នាំ (របួសស្រាល) ពួកគាត់ជិះកាណូតដឹកត្រី រស់នៅក្នុងភូមិផ្លូវទូក ឃុំផ្លូវទូក ស្រុកកំពង់លែង និង៥-ឈ្មោះឃឹម ធៀម ភេទស្រី អាយុ៣៥ឆ្នាំ (មានផ្ទៃពោះ៥ខែ របួសធ្ងន់) ជិះលើកាណូតដឹកគោយន្ត រស់នៅក្នុងភូមិសំរោង ឃុំពោធិ៍ ស្រុកកំពង់លែង។
មុនពេលកើតហេតុ កាណូតមានដំបូលដឹកគោយន្តជិះគ្នា៦នាក់ បានបើកបរពីកើតទៅលិច ពេលដល់ចំណុចកើតហេតុ ក៏ស្រាប់តែកាណូតដឹកត្រី ក្នុងទិសបញ្ច្រាសគ្នា មានភ្លើងហ្វាផងដែរ បានបើកគេចពីកំប្លោកបត់មកឆ្វេងកាត់មុខកាណូតដឹកគោយន្ត បណ្តាលឱ្យកាណូតដឹកគោយន្តបុកកិនពីលើកាណូតដឹកត្រីលិចក្នុងទឹក បង្កឱ្យមានអ្នករបួសធ្ងន់-ស្រាលដូចខាងលើតែម្តង និងធ្វើឱ្យត្រីជាង ៤០០គីឡូ រួចចេញពីឌុកអស់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ