កិច្ចពិភាក្សាជាមួយប្រតិភូក្រុងស៊ូវ៉ុន
ខេត្តសៀមរាប ៖ កាលពីថ្ងៃទី០៤ មីនា ២០១៥ នៅរដ្ឋបាលសាលាខេត្តសៀមរាប លោកប៊ុន ថាប្ញទ្ធិ អភិបាលរងនៃគណៈអភិបាលខេត្ត បានអនុញ្ញាតឲ្យប្រតិភូក្រុងស៊ូវ៉ុន
ខេត្តសៀមរាប ៖ កាលពីថ្ងៃទី០៤ មីនា ២០១៥ នៅរដ្ឋបាលសាលាខេត្តសៀមរាប លោកប៊ុន ថាប្ញទ្ធិ អភិបាលរងនៃគណៈអភិបាលខេត្ត បានអនុញ្ញាតឲ្យប្រតិភូក្រុងស៊ូវ៉ុន
ខេត្តសៀមរាប ៖ កាលពីថ្ងៃទី០៤ មីនា ២០១៥ នៅរដ្ឋបាលសាលាខេត្តសៀមរាប លោកប៊ុន ថាប្ញទ្ធិ អភិបាលរងនៃគណៈអភិបាលខេត្ត បានអនុញ្ញាតឲ្យប្រតិភូក្រុងស៊ូវ៉ុន ខេត្តឃ្យុងគី នៃសាធារណរដ្ឋកូរ៉េ ដឹកនាំដោយលោក Shin Yoon bum ប្រធានមជ្ឈមណ្ឌលកិច្ចសហប្រតិបត្តិការក្រុងស៊ូវ៉ុន និងសហការីចូលជួបពិភាក្សាស្តីពីគម្រោងសាងសង់សាលា អនុវិទ្យាល័យ និងកាលបរិច្ឆេទនៃការចាក់ដីលើទីតាំងសាងសង់សាលក្នុងគោលដៅពង្រឹងកិច្ចទំនាក់ទំនងប្រតិបត្តិការក្នុងការគាំទ្រដល់គម្រោងភូមិមិត្តភាពភ្នំក្រោម ស៊ូវ៉ុន ក្នុងនោះដែរក៏មានការអញ្ជើញចូលរួមពីសំណាក់អស់លោក លោកស្រី នៃមន្ទីរពាក់ព័ន្ធ និងអាជ្ញាធរអប្សរាផងដែរ ។
ក្នុងកិច្ចស្វាគមន៍របស់លោក ប៊ុន ថាប្ញទ្ធិ ក៏បានបញ្ជាក់អំពីលទ្ធផលនៃកិច្ចទំនាក់ទំនងសហប្រតិបត្តិការរវាងក្រុង ស៊ូវ៉ុន នៃសាធារណរដ្ឋកូរ៉េ និងខេត្តសៀមរាប នៃព្រះរាជាណាចក្រកម្ពុជាក្នុងរយៈពេលកន្លងមកបានបង្កើតនូវភូមិមិត្តភាពភ្នំក្រោមស៊ូវ៉ុន ព្រមទាំងបង្កើតនូវមជ្ឈមណ្ឌលសិប្បកម្ម និងផ្តល់នូវបង្គន់អនាម័យ អណ្តូងទឹកស្អាត សាលារៀន និងបានធ្វើការពិនិត្យព្យាបាលដោយឥតគិតថ្លៃជូនប្រជាជន ផ្តល់ស្បៀងអាហារ និងសម្ភារៈសិក្សាទៀតផង ។
លោក ប៊ុន ថាប្ញទ្ធិ ក៏បានគូសបញ្ជាក់ផងដែរអំពីទីតាំងដីសម្រាប់សាងសង់សាលាទៅតាមការស្នើសុំរបស់ភាគីក្រុងស៊ូវ៉ុន មានទំហំជាងកន្លះហិចតា ហើយក៏ត្រូវធ្វើការដឹកជញ្ជូនដីចាក់បំពេញសម្រាប់ធ្វើការសាងសង់នៅពេលខាងមុខនេះផងដែរ ។ លោកក៏បានលើកផងដែរថា ទីតាំងភូមិសាស្ត្រនៃភូមិភ្នំក្រោមនេះ គឺស្ថិតនៅក្នុងតំបន់អាជ្ញាធរអប្សរាគ្រប់គ្រង ហើយនៅរដូវវស្សាទីតាំងនេះ គឺគ្របដណ្តប់ទៅដោយទឹកទន្លេសាប និងនៅរដូវប្រាំងផ្នែកខាងក្រោមជាស្រែប្រាំងរបស់ប្រជាពលរដ្ឋ ។
ដើម្បីផលប្រយោជន៍ជាតិ និងកូនចៅប្រជាជនភូមិភ្នំក្រោម និងសង្កាត់ចុងឃ្នៀស អាជ្ញាធរខេត្តបានធ្វើការទំនាក់ទំនងជាមួយអាជ្ញាធរអប្សរាដើម្បីសុំការសាងសង់អគារសិក្សា មិត្តភាពនេះផងដែរ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ