ខេត្តព្រះវិហារ ៖ អំណោយសង្គ្រោះបន្ទាន់របស់កាកបាទក្រហមកម្ពុជា បានធ្វើការចែកជូនដល់គ្រួសារដែលរងគ្រោះដោយអគ្គិភ័យលេបត្របាក់ និងបំផ្លាញទ្រព្យសម្បត្តិ កាលពីរសៀលថ្ងៃទី០៣ មីនា ២០១៥ តាមរយៈលោកសុខ សាន្តដារ៉ា អភិបាលស្រុកឆែប
ខេត្តព្រះវិហារ ៖ អំណោយសង្គ្រោះបន្ទាន់របស់កាកបាទក្រហមកម្ពុជា បានធ្វើការចែកជូនដល់គ្រួសារដែលរងគ្រោះដោយអគ្គិភ័យលេបត្របាក់ និងបំផ្លាញទ្រព្យសម្បត្តិ កាលពីរសៀលថ្ងៃទី០៣ មីនា ២០១៥ តាមរយៈលោកសុខ សាន្តដារ៉ា អភិបាលស្រុកឆែប តំណាងឱ្យលោក អ៊ុំ ម៉ារ៉ា ប្រធានកិត្តិយសសាខាកាកបាទក្រហមខេត្ត និងជាអភិបាលខេត្ត ធ្វើការចែកជូនដល់គ្រួសារដែលត្រូវអគ្គិភ័យ កាលពីថ្ងៃទី០២ ដែលម្ចាស់ផ្ទះឈ្មោះណាត់ ជី ភេទប្រុស អាយុ២៥ឆ្នាំ ស្ថិតនៅភូមិពោធិ៍ទាប ឃុំម្លូព្រៃ១ ស្រុកឆែប ខេត្តព្រះវិហារ ។
លោកសុខ សាន្តដារ៉ា អភិបាលស្រុកឆែបបានឱ្យដឹងថា ដោយមើលឃើញពីទុក្ខលំបាករបស់គ្រួសារដែលទទួលរងនូវអគ្គិភ័យឆេះផ្ទះ និងបំផ្លាញទ្រព្យសម្បត្តិខ្ទេចគ្មានសល់ ទើបលោក អ៊ុំ ម៉ារ៉ា អភិបាលខេត្ត ចាត់តាំងឱ្យអាជ្ញាធរស្រុក រួមទាំងក្រុមការងាររៀបចំ
អំណោយសង្គ្រោះបន្ទាន់របស់កាកបាទក្រហមកម្ពុជាទៅចែកជូនដល់ក្រុមគ្រួសារ ដែលកំពុងជួបទុក្ខលំបាកខ្វះខាត ។
លោកអភិបាលស្រុកបន្តថា អាជ្ញាធរស្រុកខេត្តមិនដែលព្រងើយកន្តើយម្តងណាឡើយ ធ្វើយ៉ាងណាឱ្យប្រជាពលរដ្ឋដែលរងគ្រោះអគ្គិភ័យបានរស់នៅជ្រកកោនសមរម្យ ។
លោកអភិបាលស្រុកបន្តថា ក្រោមការដឹកនាំដ៏ឈ្លាសវៃ និងប៉ិនប្រសប់របស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានធ្វើការជំរុញឱ្យអាជ្ញាធរមូលដ្ឋានគ្រប់ខេត្ត-ក្រុង ធ្វើយ៉ាងណាចុះទៅដល់ប្រជាពលរដ្ឋដែលកំពុងជួបការលំបាកឱ្យទទួលអំណោយកាកបាទក្រហម ដោយមិនប្រកាន់និន្នាការ នយោបាយ ពណ៌សំបុរ និងជាតិសាសន៍អ្វីឡើយ ឱ្យស័ក្តិសម និងពាក្យស្លោកថា «ទីណាមានការជួបទុក្ខលំបាក ទីនោះតែងតែមានមុខកាកបាទក្រហមកម្ពុជាជានិច្ច» ។
លោកអភិបាលស្រុកបន្តថា តាមប្រសាសន៍ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃរាជរដ្ឋាភិបាលកម្ពុជា តែងតែក្រើនរំលឹកដល់អាជ្ញាធរឃុំ-ស្រុក-ខេត្ត មិនទុកឱ្យប្រជាពលរដ្ឋណាម្នាក់ស្លាប់ ដោយអត់បាយហូបឡើយ ដូចពេលនេះ សបញ្ជាក់ឱ្យឃើញថា អាជ្ញាធរខេត្តក្រោមការដឹកនាំ និងយកចិត្តទុកដាក់ ពីលោកអ៊ុំ ម៉ារ៉ា ប្រធានកិត្តិយសសាខាកាកបាទក្រហមខេត្ត និងជាគណៈអភិបាលខេត្ត តំណាងឱ្យសម្តេចគតិប្របណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជាខិតខំរកជំនួយសង្គ្រោះបន្ទាន់ ដែលប្រជាពលរដ្ឋជួបប្រទះ ។
លោកអភិបាលស្រុកបន្តថា តាមការណែនាំចង្អុលបង្ហាញពីលោកអភិបាលខេត្តឱ្យអាជ្ញាធរភូមិ-ឃុំ-ស្រុក ជំរុញនិងរកវិធីសាស្ត្រ ដើម្បីឱ្យប្រជាពលរដ្ឋ ដែលទទួលរងនូវអគ្គិភ័យឆេះផ្ទះ និងបំផ្លាញទ្រព្យសម្បត្តិគ្មានសល់រៀបចំសាងសង់លំនៅឋានឡើងវិញ ក្នុងពេលឆាប់ៗនេះ ។
អំណោយដែលចែកជូនមានថវិការ៥០ម៉ឺនរៀលរបស់លោកអភិបាលខេត្តអ៊ុំ ម៉ារ៉ា, សារុង, តង់, មុង, ភួយ, កន្សែង, ចាន, ឆ្នាំង, ស្លាបព្រា, ចានស្រាក់, ប៊ីចេង, អំបិល, ទឹកត្រី, ទឹកស៊ីអ៊ីវ, ត្រីខ និងអង្ករ២ការ៉ុង១០០គីឡូ ។
ចែករំលែកព័តមាននេះ