Kovalev ជួប Pascal ថ្ងៃទី14 មីនា ការពារខ្សែក្រវាត់3ស្ថាប័ន
ជើងឯកប្រដាល់ទម្ងន់ Light Heavyweight ជាតិរុស្ស៊ី Sergey Kovalev នឹងឡើងបង្ហាញខ្លួននៅលើសង្វៀនប្រទេសកាណាដា នាថ្ងៃទី១៤ ខែមីនានេះ ដោយជួបជាមួយកំពូលអ្នកប្រើ
ជើងឯកប្រដាល់ទម្ងន់ Light Heavyweight ជាតិរុស្ស៊ី Sergey Kovalev នឹងឡើងបង្ហាញខ្លួននៅលើសង្វៀនប្រទេសកាណាដា នាថ្ងៃទី១៤ ខែមីនានេះ ដោយជួបជាមួយកំពូលអ្នកប្រើ
ជើងឯកប្រដាល់ទម្ងន់ Light Heavyweight ជាតិរុស្ស៊ី Sergey Kovalev នឹងឡើងបង្ហាញខ្លួននៅលើសង្វៀនប្រទេសកាណាដា នាថ្ងៃទី១៤ ខែមីនានេះ ដោយជួបជាមួយកំពូលអ្នកប្រើកណ្តាប់ដៃរបស់ប្រទេសម្ចាស់ផ្ទះ Jean Pascal ។ ការប្រកួតដែលមាន១២ទឹកនេះនឹងរៀបចំនៅសង្វៀន Bell Centre ទីក្រុង Montreal ខេត្តកេបិច ប្រទេសកាណាដា ។
Kovalev វ័យ៣១ឆ្នាំ បច្ចុប្បន្នគ្រងខ្សែក្រវាត់ស្ថាប័ន WBA/WBO និង IBF ធ្លាប់ប្រកួតបានចំនួន២៧លើក ក្នុងនោះឈ្នះ២៦លើក មិនធ្លាប់ចាញ់ តែស្មើ១លើក និងធ្លាប់ផ្តួលដៃគូឱ្យសន្លប់បានចំនួន២៣លើក ។ ប្រកួតលើកចុងក្រោយកាលពីថ្ងៃទី៨ ខែវិច្ឆិកា ឆ្នាំ២០១៤ ឈ្នះកីឡាករជើងចាស់អាមេរិក Bernard Hopkins ដោយពិន្ទុ ។
បង្ហាញពីចំណាប់អារម្មណ៍របស់ខ្លួនសម្រាប់ការប្រកួតលើកនេះ Kovalev បានបញ្ជាក់ថា ៖ «នេះពិតជាការប្រកួតមួយដែលខ្ញុំចង់បាន ។ តាមខ្ញុំដឹង Pascal ជាកីឡាករម្នាក់ដែលមិនចេះកោតខ្លាចគូប្រកួត ហើយគេតែងដើរចូលទៅរកគូប្រកួតជានិច្ច ។ ខ្ញុំបានដឹងពីបញ្ហានេះ នៅពេលដែលខ្ញុំមើលការប្រកួតរបស់គេកន្លងមក» ។
ចំណែកកីឡាករ Pascal នៅក្នុងចំនួនប្រកួតសរុប៣៣លើក គេឈ្នះ២៩លើក ចាញ់២ និងស្មើ១ ។ កីឡាករវ័យ៣២ឆ្នាំរូបនេះធ្លាប់ផ្តួលដៃគូឱ្យសន្លប់បានចំនួន១៧លើកផងដែរ ។
ការប្រកួតលើកចុងក្រោយរបស់គេនៅទីក្រុង Montreal ប្រទេសកាណាដា កាលពីថ្ងៃទី១៨ ខែមករា ឆ្នាំ២០១៤ ឈ្នះកីឡាកររូម៉ានី Lucian Bute ដោយពិន្ទុ ។
គេបានថ្លែងថា ៖ «នេះគឺជាជំហានបន្ទាប់ដើម្បីពង្រឹងបច្ចេកទេសប្រកួតរបស់ខ្ញុំឡើងវិញ។ Kovalev ជាកីឡាករជើងខ្លាំង និងពេញដោយបទពិសោធន៍ ។ ដូច្នេះ នេះគឺជាការសាកល្បងយ៉ាងល្អមួយសម្រាប់រូបខ្ញុំ ។ មួយវិញទៀត ការជួបជាមួយកីឡាករដែលមានកណ្តាប់ដៃធ្ងន់ដូចជា Kovalev នេះគឺអាចបង្ហាញឱ្យយើងបានឃើញពីកម្រិតនៃការរីកចម្រើនរបស់ខ្លួនឯងផងដែរ ពោលបន្ទាប់ពីទំនេរអស់មួយរយៈពេលមក» ៕
ចែករំលែកព័តមាននេះ