រាជធានីភ្នំពេញ៖បច្ចុប្បន្នអាជ្ញាធរខណ្ឌទួលគោកនូវតែមើលឃើញថាម្ចាស់ការ៉ាស់ផ្ញើកង់និងម៉ូតូចំនួន៣កន្លែងដែលកំពុងប្រកបអាជីពនៅផ្សារដើមគ ក្នុងសង្កាត់ផ្សារដើមគមិនបានអនុវត្តយកតាមសៀវភៅបន្ទុករបស់មន្ទីរសេដ្ធកិច្ចនិងហិរញ្ញវត្ថុរាជធានីភ្នំពេញ
រាជធានីភ្នំពេញ៖បច្ចុប្បន្នអាជ្ញាធរខណ្ឌទួលគោកនូវតែមើលឃើញថាម្ចាស់ការ៉ាស់ផ្ញើកង់និងម៉ូតូចំនួន៣កន្លែងដែលកំពុងប្រកបអាជីពនៅផ្សារដើមគ ក្នុងសង្កាត់ផ្សារដើមគមិនបានអនុវត្តយកតាមសៀវភៅបន្ទុករបស់មន្ទីរសេដ្ធកិច្ចនិងហិរញ្ញវត្ថុរាជធានីភ្នំពេញ និងស្តាប់ការណែនាំរបស់អភិបាលរាជធានីភ្នំពេញនោះទេ ពោលពួកគេនៅតែគក្លើនល្មើសដដែលដោយយកកង់១គ្រឿង៥០០រៀលនិង១ម៉ូតូ១គ្រឿងតម្លៃ១០០០រៀល។
ព្រមានសារជាថ្មីអាជ្ញាធរខណ្ឌទួលគោកបានកោះហៅម្ចាស់ខាងលើមានឈ្មោះទី១ ម៉ៅ អូន ២គិត លាងវ៉េង និងឈ្មោះគឹម សុគន្ធាដោយធ្វើកិច្ចសន្យាបញ្ឈប់តម្លៃផ្ញើកង់និងម៉ូតូលើសសៀវភៅបន្ទុកបន្តទៅទៀត ។ បើពុំដូច្នេះទេនិងទទួលខុសត្រូវចំពោះមុខច្បាប់ជាពិសេសអាជ្ញាធរបញ្ឈប់អាជីវកម្មតែម្ត។នេះបើតាមប្រភពព័ត៌មានពីមន្ត្រីសាលាខណ្ឌទួលគោកបង្ហើបឲ្យដឹងនោះ ។
ប្រភពពីមន្ត្រីដដែលបានឲ្យដឹងបន្តថាកិច្ចសន្យាម្ចាស់ការ៉ាស់ទាំងនេះបានធ្វើរួចហើយនៅដើមសប្តាហ៍កន្លងមកនេះ ។ជាមួយនេះដែរអាជ្ញាធរខណ្ឌទួលគោក ក៏បានប្រគល់ភារៈកិច្ចនេះទៅឲ្យលោកប្រធានផ្សារដើមគត្រួតពិនិត្យនិងក្រោមការតាមដានរបស់មន្ត្រីអាជ្ញាធរខណ្ឌដោយលែងបណ្តែតបណ្តោយបន្តទៅទៀតហើយ ។
គួរបញ្ជាក់ថាកាលពីថ្ងៃទី២ ខែកញ្ញ ឆ្នាំ២០១៤លោកប៉ាង លីដាអភិបាលរងខណ្ឌទួលគោកទទួលបន្ទុកខាងផ្សារបានចុះមកត្រួតពិនិត្យផ្សារដើមគនេះទី១កន្លែងផ្ញើកង់ម៉ូតូដែលអាជ្ញាធរឲ្យលើកស្លាកបញ្ជាបង់ប្រាក់ឲ្យបានត្រឹមត្រូវតាមសៀវភៅបន្ទុកគឺម៉ូតផ្ញើ១គ្រឿង៣០០រៀលនិងកង់១គ្រឿង២០០រៀល ។ចំពោះស្លាកបញ្ជាបង់ប្រាក់នេះត្រូវធ្វើឲ្យធំៗ ពុំមែនធ្វើតូចៗរបៀបបន្លែបន្លំនោះទេ ។
ចំពោះអ្នកយកភាស៊ីនិងយកថ្លៃអនាម័យនៅផ្សារដើមគរនេះនៅតែមិនមានសម្លៀកបំពាក់ឯកសណ្ធានតាមការកំណត់របស់សាលារាជធានីនោះទេ ពោលពួកគេនៅតែគក្លើនមិនគោរពដដែលនិងបានបន្តយករបៀបច្របូកច្របល់ដដែល ។ចំពោះបញ្ហានេះអាជ្ញាធរនិងចាត់វិធានការបន្ត ៕
ចែករំលែកព័តមាននេះ