ខេត្តស្ទឹងត្រែង ៖ គេសង្កេតឃើញនៅប៉ុន្មានឆ្នាំមុន ក្នុងទឹកដីខេត្តស្ទឹងត្រែង គេតែងតែប្រទះឃើញសត្វព្រៃច្រើនប្រភេទជាញឹកញាប់ខណៈធ្វើដំណើរតាមផ្លូវ អមដោយគម្របព្រៃធម្មជាតិនៅពេលយប់ព្រលប់ តែមួយរយៈប៉ុន្មានឆ្នាំចុងក្រោយនេះ គេពុំដែលប្រទះឃើញពពួកសត្វព្រៃទៀតទេ ។
កក្តាទាំងនេះ ត្រូវអ្នកអភិរក្សសត្វព្រៃអះអាងថា ពពួកសត្វព្រៃដែលប្រឈមនិងការបាត់បង់ទៅៗនេះ ដោយសារបញ្ហាមួយចំនួនដូចជាការបាត់បង់គម្របព្រៃ ដែលជាដែនជម្រកសត្វព្រៃរស់នៅ ការបរបាញ់គ្មានការទប់ស្កាត់ បញ្ហាភ្លើងឆេះព្រៃ និងបញ្ហាប្រឈមមួយចំនួនធំទៀត ។ កក្តាទាំងនេះបានធ្វើឱ្យកំណើនសត្វព្រៃមានធ្លាក់ចុះ និងខ្លះទៀតបានរត់ជម្លៀសខ្លួនទៅនៅព្រៃក្បែរខាងនៃប្រភេទជាប់និងខេត្តស្ទឹងត្រែង ។
ក្នុងចំណោមពពួកសត្វព្រៃកាចសាហាវមួយចំនួន សត្វខ្លាជាសត្វមួយប្រភេទស្ទើរផុតពូជទៅហើយ នៅក្នុងខេត្តមួយនេះ ហើយកាលពីវេលាព្រឹកថ្ងៃទី៣ មីនា ២០១៥ នេះ កូនខ្លាត្រីមួយក្បាល ត្រូវបានអ្នកភូមិកាំងមេម៉ាយ សង្កាត់ព្រះបាទចាប់បាន ខណៈវង្វេងធ្លាក់នៅក្នុងរណ្តៅការដ្ឋានសាងសង់ស្ពានមេគង្គ ស្ថិតតាមបណ្តោយផ្លូវលំមាត់ទន្លេ ។
អ្នកភូមិនោះបាននិយាយថា នៅតាមព្រៃស្តើងជាប់មាត់ទន្លេ មានខ្លាត្រីមួយក្បាល តែងចេញចាប់ត្រីនៅមាត់ទន្លេធ្វើជាចំណី ហើយនៅពេលថ្មីៗនេះ គេប្រទះឃើញម្តងម្កាល ដោយរួមទាំងកូនតូចចំនួន២ក្បាលបន្ថែមទៀត តែគេពុំបានដឹងប្រាកដថា ពួកវាជ្រកនៅម្តុំណាឱ្យប្រាកដនោះទេ ។ ក្រោយពីការប្រទះឃើញ និងរហូតចាប់បានកូនខ្លាមួយក្បាលនោះ គេសន្និដ្ឋានថា ខ្លាត្រីនោះប្រាកដជាមានញី-ឈ្មោល ទើបបង្កើតបានជាកូនដល់ទៅ២បន្ថែមទៀតនោះ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ