លោកសន សុវណ្ណារ៉ា ប្រឹងប្រែងដើម្បីអាជីពសិល្បៈកាន់តែលូតលាស់
រាជធានីភ្នំពេញ ៖ លោកសន សុវណ្ណារ៉ា ជាតារាសម្តែងបានប្រឡូកក្នុងពិភពសិល្បៈជាង៤ឆ្នាំមកហើយ តែស្នាដៃនៅមានកម្រិតមិនទាន់បានសមតាមបំណងនៅឡើយ ។ ម្ល៉ោះហើយ
រាជធានីភ្នំពេញ ៖ លោកសន សុវណ្ណារ៉ា ជាតារាសម្តែងបានប្រឡូកក្នុងពិភពសិល្បៈជាង៤ឆ្នាំមកហើយ តែស្នាដៃនៅមានកម្រិតមិនទាន់បានសមតាមបំណងនៅឡើយ ។ ម្ល៉ោះហើយ
រាជធានីភ្នំពេញ ៖ លោកសន សុវណ្ណារ៉ា ជាតារាសម្តែងបានប្រឡូកក្នុងពិភពសិល្បៈជាង៤ឆ្នាំមកហើយ តែស្នាដៃនៅមានកម្រិតមិនទាន់បានសមតាមបំណងនៅឡើយ ។ ម្ល៉ោះហើយលោកនៅតែពុះពារជាមួយអាជីពនេះដើម្បីឱ្យកាន់តែរីកចម្រើនឡើង ។
លោកសន សុវណ្ណារ៉ា បានបើកសាលាបង្ហាត់សិល្បៈ «សុវណ្ណារ៉ា» បានរយៈពេល៤ឆ្នាំមកហើយ តែលោកបានផ្អាកជាង១ឆ្នាំ ព្រោះរវល់ទៅបំពេញភារកិច្ចនៅបរទេស ។ សាលានោះលោកសុវណ្ណារ៉ា បានបើកដំណើរការវិញនៅមុនបុណ្យចូលឆ្នាំខ្មែរឆ្នាំ២០១៤ ។
បច្ចុប្បន្នលោកសុវណ្ណារ៉ា មមាញឹកលើផ្នែករាំជាលក្ខណៈអឹមវីទាក់ទងនឹងពិធីបុណ្យចូលឆ្នាំថ្មីប្រពៃណីខ្មែរឱ្យផលិតកម្មសាន់ដេ និងផលិតកម្មក្រៅប្រទេសមួយចំនួនទៀត ។ ក្រុមសិល្បៈរបស់លោកសុវណ្ណារ៉ាក៏ទទួលរៀបចំកម្មវិធី ផ្សេងៗ ដូចជាទទួលបដិសណ្ឋារកិច្ចជាដើម ។
លោកសុវណ្ណារ៉ា ចេះពីរបៀបដឹកនាំនេះយូរមកហើយ ក្រោយពីបានសិក្សាជាមួយអ្នកគ្រូគង់ ណារី រយៈពេល៥ឆ្នាំ ។ សមាជិកក្នុងក្រុមរបស់លោកសុវណ្ណារ៉ាមានស្រី៥នាក់ ប្រុស៥នាក់ តែបើសិនជាមានតម្រូវការពីក្រុមហ៊ុន និងអតិថិជន គឺលោកអាចទាក់ទងរៀបចំជូនមិនឲ្យលំបាកទេ ។ ចំពោះតម្លៃវិញមិនសូវគិតខ្លាំងទេ អ្វីដែលសំខាន់អាចចរចាបាន ពោលគឺឲ្យសមល្មមទូទាត់ថ្លៃសម្លៀកបំពាក់ សោហ៊ុយធ្វើដំណើរនិងការហូបចុក ។ ចំណុចពិសេសរបស់ក្រុមលោកសុវណ្ណារ៉ាអាចប្រជែងទីផ្សារបានត្រង់ថា ប្រើរបស់តុបតែងខ្លួន និងសម្លៀកបំពាក់មិនចាញ់តារាបង្ហាញម៉ូដ ល្បីៗទេ ។
នៅចុងឆ្នាំ២០១០ លោកសន សុវណ្ណារ៉ាបានជាប់ជ័យលាភីប្រុសស្អាតចំណាត់ថ្នាក់លេខ២ នៅប្រទេសហ្វ៊ីលីពីន ។ ក្រោយមកលោកសុវណ្ណារ៉ាបាត់មុខទើបតែចេញមុខឡើងវិញនៅឆ្នាំ២០១៥នេះដោយទទួលបានការងារដូចជាសម្តែងឱ្យផលិតកម្មសាន់ដេ និងផលិតកម្មក្រៅស្រុក និងធ្លាប់ចូលរួមសម្តែងរឿង «កំណប់បះសក់» ព្រមទាំងធ្វើជាពិធីករនៅតាមរោងការមួយចំនួន ។ ក្រៅពីនេះលោកសុវណ្ណារ៉ាត្រៀមថតរឿង ថ្មីមួយទៀតរបស់ផលិតកម្មX Saven មានចំណងជើងថា «កោះឡឺកឺ» ។ ចំពោះការងារសម្តែងនេះលោកសុវណ្ណារ៉ាមិនប្រាថ្នាជាតួឯកទេ ឲ្យតែមានគេហៅថតលោកទទួលថតទាំងអស់ធ្វើយ៉ាងណាឲ្យមានឈ្មោះឡើងវិញបន្ទាប់ពីអាក់ខានមួយរយៈ ។
លោកសន សុវណ្ណារ៉ា និយាយថា ការសម្តែងទោះជាត្រូវក្តៅត្រូវខ្យល់ ទទួលបានតម្លៃមិនសមតាមចិត្តក៏លោកត្រូវតែបោះជំហានឲ្យទទួលបានផ្លែផ្កាសមចិត្តដែលស្រឡាញ់ ។ ម្យ៉ាងទៀតសិល្បៈបើចង់ហក់ផ្លោងឲ្យល្បីលឿនមិនងាយទេ ទាល់តែតស៊ូជម្នះឧបសគ្គជាច្រើន ឬត្រូវឆ្លងកាត់ជាតួតូចតាចសិនទើបអាចមានឱកាសឈោងចាប់តួ សំខាន់ៗបាន អាស្រ័យលើការតស៊ូនិងគោរពេលវេលា ៕
ចែករំលែកព័តមាននេះ