ខេត្តកំពង់ឆ្នាំង ៖ គ្រោះថ្នាក់ចរាចរណ៍២ករណីផ្សេងគ្នា ក្នុងចន្លោះម៉ោងតែមួយនៅខេត្តកំពង់ឆ្នាំង បណ្តាលឱ្យស្ត្រីចំណាស់ម្នាក់ រងរបួសធ្ងន់ និង៣នាក់បានរងរបួសស្រាល ក្នុងនោះ ករណីទី១-បានកើតឡើងកាលពីវេលា១០ និង០៥នាទីព្រឹកថ្ងៃទី០២ កុម្ភៈ ២០១៥
ខេត្តកំពង់ឆ្នាំង ៖ គ្រោះថ្នាក់ចរាចរណ៍២ករណីផ្សេងគ្នា ក្នុងចន្លោះម៉ោងតែមួយនៅខេត្តកំពង់ឆ្នាំង បណ្តាលឱ្យស្ត្រីចំណាស់ម្នាក់ រងរបួសធ្ងន់ និង៣នាក់បានរងរបួសស្រាល ក្នុងនោះ ករណីទី១-បានកើតឡើងកាលពីវេលា១០ និង០៥នាទីព្រឹកថ្ងៃទី០២ កុម្ភៈ ២០១៥ ស្ថិតនៅរង្វង់មូលវិមានឯករាជ្យ ក្នុងភូមិកណ្តាល សង្កាត់កំពង់ឆ្នាំង ដោយរថយន្តតាក់ស៊ីបុកម៉ូតូឆ្លងផ្លូវ និងករណីទី២-កើតឡើងកាលពីវេលាម៉ោង១០ និង៣០នាទីព្រឹកថ្ងៃដដែល នៅក្នុងភូមិទ្រាជើង ឃុំស្រែថ្មី ស្រុករលាប្អៀរ ដោយរថយន្តប្រភេទធំកៀរគោយន្តដឹកអុស ។
សមត្ថកិច្ចឱ្យដឹងថា នៅក្នុងករណីទី១-មានអ្នករងរបួសធ្ងន់-ស្រាលចំនួន២នាក់ ម្នាល់ឈ្មោះហេង រ៉ាន់ អាយុជាង២០ឆ្នាំ (របួសស្រាល) ជាអ្នកបើកបរម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខ កំពង់ឆ្នាំង1B-48 65 ឌុបស្ត្រីម្នាក់ឈ្មោះឈៀង បុប្ផា អាយុជាង៦០ឆ្នាំ (របួសធ្ងន់) រស់នៅក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង។
ប្រភពបន្តថា មុនពេលកើតហេតុ ជនរងគ្រោះទាំង២នាក់បានបើកម៉ូតូពីកើតមកលិច ឆ្លងផ្លូវផុតគំនូសលឿងនៃទ្រូងផ្លូវទៅហើយ ស្រាប់តែមានរថយន្តតាក់ស៊ីម៉ាកកាមរី ពណ៌ស្លឹកឈើ ពាក់ស្លាកលេខភ្នំពេញ2A-9370 បើកបរដោយឈ្មោះគង់ សាវ៉ាន់ អាយុ៣៥ឆ្នាំ រស់នៅភូមិទី១ សង្កាត់ខ្សាម ក្រុងកំពង់ឆ្នាំង បើកបរពីត្បូងទៅជើង ខុសគន្លងផ្លូវបស់ខ្លួនបុកចំទទឹងម៉ូតូ អូសម៉ូតូជិត១០ម៉ែត្រ បណ្តាលឱ្យម៉ូតូជាប់នៅក្រោមរថយន្ត ចំណែកជនរងគ្រោះទាំង២នាក់បានប៉ើងខ្ទាតចេញពីម៉ូតូរងរបួសធ្ងន់ និងស្រាល។
ជនរងគ្រោះទាំង២នាក់ត្រូវបានដឹកទៅសង្គ្រោះនៅមន្ទីរពេទ្យខេត្ត ចំណែកមធ្យោបាយទាំង២គ្រឿងត្រូវបានសមត្ថកិច្ចយកទៅរក្សាទុកនៅអធិការនគរបាលក្រុង ដើម្បីរង់ចាំការដោះស្រាយនិតិវិធី ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ