រាជធានីភ្នំពេញ ៖ តាមសេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា នៅវេលាម៉ោង៩ព្រឹក ថ្ងៃទី៣ មីនា នេះ ប្រជាពលរដ្ឋសហគមន៍ដីមាសប្រមាណជាង៣០នាក់
រាជធានីភ្នំពេញ ៖ តាមសេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា នៅវេលាម៉ោង៩ព្រឹក ថ្ងៃទី៣ មីនា នេះ ប្រជាពលរដ្ឋសហគមន៍ដីមាសប្រមាណជាង៣០នាក់បានលើកគ្នាមកសាលាបឋមសិក្សាព្រែកលៀប បន្ទាប់ពីលោកគ្រូ អ្នកគ្រូក្នុងសាលានោះចោទប្រកាន់អាជ្ញាធរថាអនុញ្ញាតឱ្យពួកគាត់ស្នាក់នៅលើដីកម្មសិទ្ធិរបស់សាលា។
សេចក្តីរាយការណ៍បានឱ្យដឹងទៀតថា ការលើកគ្នារបស់ប្រជាពលរដ្ឋនេះធ្វើឡើងដោយសារលោកគ្រូ អ្នកគ្រូប្រមាណជាង១០នាក់គ្រោងនាំគ្នាជួបជុំតវ៉ានៅក្នុងសាលា ដោយចោទប្រកាន់អាជ្ញាធរសង្កាត់ព្រែកលៀបថាជាអ្នកអនុញ្ញាតឱ្យប្រជាពលរដ្ឋស្នាក់នៅលើដីផ្នែកខាងក្រោយក្នុងសាលាបឋមសិក្សាព្រែកលៀប។
ប្រជាពលរដ្ឋដែលលើកគ្នាមកក្នុងសាលាបានអះអាងថា ពួកគាត់ត្រូវបានក្រុមហ៊ុន OCIC ធ្វើការដោះដូរឱ្យទៅរស់នៅលើដីអភិវឌ្ឍន៍វិញ។ បើតាមលោកគ្រូ អ្នកគ្រូក្នុងសាលាបឋមសិក្សានេះបានឱ្យដឹងដែរថា ដីនេះជាដីរបស់សាលា ហើយត្រូវប្រជាពលរដ្ឋចំនួន១៣៧គ្រួសារនាំគ្នាមកស្នាក់នៅតាំងពីឆ្នាំ២០០៧មក គឺសង្កាត់ជាអ្នកអនុញ្ញាត តែដោយសារពុំមានដំណោះស្រាយ ហើយក្រុមហ៊ុន OCIC យកធ្វើតំបន់អភិវឌ្ឃទើបពួកគាត់នាំគ្នាតវ៉ាតែម្តងទៅ។
គួរបញ្ជាក់ថា កន្លងមកអាជ្ញាធរខណ្ឌធ្លាប់ធ្វើការសម្របសម្រួលដែរ តែមិនបានទទួលលទ្ធផល៕
ចែករំលែកព័តមាននេះ