ខេត្តស្វាយរៀង៖ លូទឹកស្អុយស្ទះបែកធ្លាយហូរកាត់ថ្នល់មុខផ្ទះប្រជាពលរដ្ឋជាង២០គ្រួសារនិងលិចចូលក្នុងផ្ទះរបស់ប្រជាពលរដ្ឋ១គ្រួសារជះក្លិនស្អុយអាសោច បណ្តាលឲ្យប៉ះពាល់ដល់សុខភាពប្រជាពលរដ្ឋអស់រយះពេលជិត២ឆ្នាំមកហើយ
ខេត្តស្វាយរៀង៖ លូទឹកស្អុយស្ទះបែកធ្លាយហូរកាត់ថ្នល់មុខផ្ទះប្រជាពលរដ្ឋជាង២០គ្រួសារនិងលិចចូលក្នុងផ្ទះរបស់ប្រជាពលរដ្ឋ១គ្រួសារជះក្លិនស្អុយអាសោច បណ្តាលឲ្យប៉ះពាល់ដល់សុខភាពប្រជាពលរដ្ឋអស់រយះពេលជិត២ឆ្នាំមកហើយ គ្មានអាជ្ញាធរណាមានដំណោះស្រាយនោះទេជាមួយគ្នានោះប្រជាពលរដ្ឋរងគ្រោះបានរិះគន់ឥតសំចៃមាត់ថាអាជ្ញាធរសង្កាត់ស្វាយរៀងអសមត្ថភាព ។
ប្រជាពលរដ្ឋរិះគន់នេះបានលើកឡើងកាលពីថ្ងៃទី១ ខែមីនា ឆ្នាំ២០១៥ វេលាម៉ោង១០ព្រឹក នៅភូមិស្វាយរៀង សង្កាត់ស្វាយរៀង ក្រុងស្វាយរៀង ។
លោកសុខ សុវណ្ណរ៉ា អាយុ៥៦ឆ្នាំ រស់នៅក្នុងភូមិខាងលើបានប្រាប់ឲ្យដឹងថាលូបង្ហូរទឹកស្អុយបានស្ទះបែកធ្លាយហូរទឹកកាត់មុខផ្ទះដក់នៅលើថ្នល់មុខផ្ទះប្រជាពលរដ្ឋជាង២០គ្រួសារនិងហូរចូលក្នុងផ្ទះរបស់ពួកគាត់ អស់រយៈពេល២ឆ្នាំមកហើយ តែពុំឃើញមានដំណោះស្រាយនោះទេ ។
ក្នុងនោះដែរប្រជាពលរដ្ឋក៏បានលើកឡើងស្រដៀងៗគ្នាថានៅខែវស្សាទឹកស្អុយដែលហូរចេញពីក្នុងលូបានលិចត្រឹមជង្គង់ហើយបច្ចុប្បន្នគឺលិចជាប្រចាំត្រឹមភ្នែកគោ ដោយមានក្លិនស្អុយអាសោចយ៉ាងខ្លាំងហើយពេលពួកគាត់ទៅជម្រាប អាជ្ញាធរសង្កាត់ អាជ្ញាធរក្រុងដែរ ប៉ុន្តែអាជ្ញាធរ
គ្រាន់តែមកមើលហើយមិនបានដោះស្រាយទេរហូតដល់សព្វថ្ងៃ ។
យ៉ាងណានោះប្រជាពលរដ្ឋទាំងជាង២០គ្រួសារបានសំណូមពរយ៉ាងទទូចដល់អាជ្ញាធរមេត្តាជួយមើលសុខទុក្ខប្រជាពលរដ្ឋផង ៕
ចែករំលែកព័តមាននេះ