ប៉ូលិសស្ទឹងសែន បង្ក្រាបទីតាំងបញ្ជល់មាន់មួយកន្លែងរបស់ឈ្មោះសាយ ភារិន្ទ
ខេត្តកំពង់ធំ ៖ សមត្ថកិច្ចនគរបាលក្រុងស្ទឹងសែន សហការនឹងប៉ុស្តិ៍រដ្ឋបាលដំរីជាន់ខ្លា ចុះបង្ក្រាបល្បែងជល់មាន់១កន្លែង នៅព្រឹកថ្ងៃទី០១ មីនា ២០១៥។
ខេត្តកំពង់ធំ ៖ សមត្ថកិច្ចនគរបាលក្រុងស្ទឹងសែន សហការនឹងប៉ុស្តិ៍រដ្ឋបាលដំរីជាន់ខ្លា ចុះបង្ក្រាបល្បែងជល់មាន់១កន្លែង នៅព្រឹកថ្ងៃទី០១ មីនា ២០១៥។
ខេត្តកំពង់ធំ ៖ សមត្ថកិច្ចនគរបាលក្រុងស្ទឹងសែន សហការនឹងប៉ុស្តិ៍រដ្ឋបាលដំរីជាន់ខ្លា ចុះបង្ក្រាបល្បែងជល់មាន់១កន្លែង នៅព្រឹកថ្ងៃទី០១ មីនា ២០១៥។
ប្រភពពីសមត្ថកិច្ចបានឲ្យដឹងថា ម្ចាស់ផ្ទះដែលបើកលេងល្បែងស៊ីសងជល់មាន់ខាងលើ មានឈ្មោះសាយ ភារិន្ទ ភេទប្រុស អាយុ៣០ឆ្នាំ រស់ភូមិបល្ល័ង្កកើត សង្កាត់ដំរីជាន់ខ្លា ក្រុងស្ទឹងសែន ដកហូតបាននូវវត្ថុតាង រួមមានមាន់ចំនួន៩ក្បាល ម៉ូតូ០៨គ្រឿង និងមនុស្សចំនួន ០៨នាក់ នាំយកមកកាន់អធិការដ្ឋាននគរបាលក្រុងស្ទឹងសែន ធ្វើការអប់រំឲ្យឈប់ប្រព្រឹត្តិទៀត ព្រោះច្បាប់មិនអនុញ្ញាតឲ្យលេងនោះទេ ។
បើតាមការរៀបរាប់ឲ្យដឹងពីឈ្មោះសាយ ភារិន្ទ ដែលជាម្ចាស់ផ្ទះនិយាយថា មាន់ដែលពួកគេនាំគ្នាជល់នោះ គឺមានតែ១គូទេ យកមកភ្នាល់គ្នាលេងដាក់ស្រាបៀរ១កេសតែប៉ុណ្ណោះ ដោយរ៉ៃលុយគ្នាម្នាក់៥.០០០រៀលដាក់ បើមាន់អ្នកណាឈ្នះ និងបានស្រានេះផឹក ចំណែកមាន់ដទៃទៀតនោះ គឺជាមាន់ដែលមិត្តយកមកផ្ញើរទុកគ្រាន់បង្កាត់ពូជទេ ហើយក៏ពុំទាន់បានជល់អ្វីស្រួលបួលផង ក៏ត្រូវប៉ូលិសចាប់តែម្តង ៕
ចែករំលែកព័តមាននេះ