រថយន្តដេវូបើកសុខៗឆេះផ្អើលទាំងព្រឹក
រាជធានីភ្នំពេញ ៖ រថយន្តមួយគ្រឿងម៉ាកដេវូ ពណ៌ឈាមជ្រូក ពាក់ស្លាកលេខភ្នំពេញ២E៥២៨០ កំពុងបើកបរសុខៗស្រាប់តែឆេះសន្ធោសន្ធៅបង្កឱ្យភ្ញាក់ផ្អើលដល់ប្រជា
រាជធានីភ្នំពេញ ៖ រថយន្តមួយគ្រឿងម៉ាកដេវូ ពណ៌ឈាមជ្រូក ពាក់ស្លាកលេខភ្នំពេញ២E៥២៨០ កំពុងបើកបរសុខៗស្រាប់តែឆេះសន្ធោសន្ធៅបង្កឱ្យភ្ញាក់ផ្អើលដល់ប្រជាពលរដ្ឋនាំគ្នាដងទឹកជួយពន្លត់ទាន់ពេល។
ហេតុការណ៍នេះបានកើតឡើងកាលពីវេលាម៉ោង១០ និង១០នាទីព្រឹក ថ្ងៃទី១ មីនា ២០១៥ នៅចំណុចក្បែរផ្ទះសំណាក់ស្រែលាភ សង្កាត់បឹងកក់២ ខណ្ឌទួលគោក។
មុនពេលកើតហេតុ រថយន្តខាងលើបានធ្វើដំណើរតាមផ្លូវបឹងកក់ក្នុងទិសដៅពីកើតទៅលិច ពេលមកជិតដល់ចំណុចផ្ទះសំណាក់ស្រែលាភស្រាប់តែឆេះតែម្តង ធ្វើឱ្យម្ចាស់រថយន្តភ័យលោតចុះពីលើរថយន្តបង្កឱ្យភ្ញាក់ផ្អើលដល់ប្រជាពលរដ្ឋធ្វើដំណើរតាមផ្លូវ និងអ្នករស់នៅក្បែរខាងនាំគ្នាយកបំពង់ពន្លត់អគ្គិភ័យ និងដងទឹកជួយចាក់ពន្លត់ទាន់ពេលធ្វើឱ្យរថយន្តឆេះខូចខាតអស់គ្រឿងក្នុង។
ទាក់ទិននឹងមូលហេតុនៃការឆេះនេះត្រូវបានម្ចាស់រថយន្តឱ្យដឹងថា បណ្តាលមកពីឆ្លងអាគុយក្នុងរថយន្ត៕
ចែករំលែកព័តមាននេះ