ក្រុងប៉ោយប៉ែត ៖ មន្ត្រីជំនាញពន្ឋដារក្រុងប៉ោយប៉ែត សហការជាមួយកម្លាំងសមត្ថកិច្ចអាជ្ញាធរមូលដ្ឋាន បានធ្វើការចុះរឹតបន្តឹងចាប់យានជំនិះគ្រប់ប្រភេទ ឱ្យម្ចាស់ចូលខ្លួនបង់ពន្ឋជូនរដ្ឋឱ្យបានត្រឹមត្រូវតាមច្បាប់ក្នុងឆ្នាំ២០១៤ ។
ក្រុងប៉ោយប៉ែត ៖ មន្ត្រីជំនាញពន្ឋដារក្រុងប៉ោយប៉ែត សហការជាមួយកម្លាំងសមត្ថកិច្ចអាជ្ញាធរមូលដ្ឋាន បានធ្វើការចុះរឹតបន្តឹងចាប់យានជំនិះគ្រប់ប្រភេទ ឱ្យម្ចាស់ចូលខ្លួនបង់ពន្ឋជូនរដ្ឋឱ្យបានត្រឹមត្រូវតាមច្បាប់ក្នុងឆ្នាំ២០១៤ ។
ប្រតិបត្តិការណ៍នេះ ដឹកនាំដោយលោកហាក់ សុផល ប្រធានការិយាល័យពន្ធដារក្រុងប៉ោយប៉ែតធ្វើឡើង កាលពីវេលាព្រឹកថ្ងៃទី២៦ កុម្ភៈ រហូតដល់ថ្ងៃទី២៧ កុម្ភៈ ២០១៥ ស្ថិតនៅតាមផ្លូវសាធារណៈនៅទីប្រជុំជនក្នុងតំបន់ជាយដែនកម្ពុជា-ថៃ ក្រុងប៉ោយប៉ែតខេត្តបន្ទាយមានជ័យ ។
លោកហាក់ សុផល ប្រធានការិយាល័យពន្ធដារក្រុងប៉ោយប៉ែតបានឱ្យដឹងថា ការចុះរឹតបន្តឹងចាប់យានយន្តគ្រប់ប្រភេទនៅក្នុងអំឡុងដើមឆ្នាំនេះ គឺខាងមន្ត្រីជំនាញរបស់លោកតែងតែធ្វើឡើងជារៀងរាល់ឆ្នាំ គឺក្នុងគោលបំណងឱ្យម្ចាស់យានយន្តណាមួយដែលមិនទាន់បង់ពន្ឋជូនរដ្ឋនោះ គឺត្រូវតែចូលខ្លួនមកពន្ឋជូនរដ្ឋឱ្យបានត្រឹមត្រូវ ដែលបានកំណត់ឱ្យស្របតាមច្បាប់ផងដែរ ។
លោកបន្តថា ចំពោះយានយន្តគ្រប់ប្រភេទដែលហួសកាលបរិច្ឆេតកំណត់ ហើយម្ចាស់មិនបានចូលខ្លួនមកបង់ពន្ឋឱ្យបានត្រឹមត្រូវនោះ នៅពេលដែលមន្ត្រីជំនាញរបស់លោកចុះបង្ក្រាបបាននោះ គឺតម្រូវឱ្យម្ចាស់ចូលមកបង់ពន្ធដោយផាកពិន័យទ្វេដងតែម្តង ដើម្បីឱ្យម្ចាស់មានការរាងចាលសម្រាប់ទៅថ្ងៃក្រោយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ