ខេត្តឧត្តរមានជ័យ ៖ លោកឧត្តមសេនីយ៍ទោ នួន នៅ ប្រធានគណបញ្ជាការឯកភាពទិសទី២ នៃភូមិភាគទី៤ បានជួបឧបទ្ទវហេតុគ្រោះថ្នាក់ចរាចរស្លា.ប់បាត់បង់ជីវិតនៅពេលបំពេញភារកិច្ចណាត់ជួបប្រជុំជាមួយថៃអំពីកិច្ចទំនាក់ទំនងព្រំដែន កាលពីវេលាម៉ោង២រសៀល ថ្ងៃទី២៧ ខែកុម្ភៈ ឆ្នាំ២០១៥
ខេត្តឧត្តរមានជ័យ ៖ លោកឧត្តមសេនីយ៍ទោ នួន នៅ ប្រធានគណបញ្ជាការឯកភាពទិសទី២ នៃភូមិភាគទី៤ បានជួបឧបទ្ទវហេតុគ្រោះថ្នាក់ចរាចរស្លាប់បាត់បង់ជីវិតនៅពេលបំពេញភារកិច្ចណាត់ជួបប្រជុំជាមួយថៃអំពីកិច្ចទំនាក់ទំនងព្រំដែន កាលពីវេលាម៉ោង២រសៀល ថ្ងៃទី២៧ ខែកុម្ភៈ ឆ្នាំ២០១៥ នៅចង្កេះភ្នំដងរែក នៅក្បែររូបសំណាក់លោកយាយម៉ៅ ក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ។
នៅក្នុងគ្រោះថ្នាក់ចរាចរនេះ ដែលរថយន្តរបស់លោកឧត្តមសេនីយ៍ផ្កាយ២ម៉ាកវីហ្គោបុកជាមួយរថយន្តបែកដឹកដីរបស់ក្រុមហ៊ុន លឹម ហេង កាស៊ីណូ ដែលមានមនុស្ស៣នាក់បានស្លាប់បាត់បង់ជីវិត ហើយក្នុងនោះក៏មានអ្នកបើកបររថយន្តម្នាក់ទៀត និងម្នាក់ទៀតជាអ្នកបើកបររថយន្តបែនដឹកដី ដែលត្រូវគាបជាប់ក្នុងរថយន្តទាំងអស់គ្នាធ្លាក់ចូលទៅក្នុងជ្រោះភ្នំដងរែក ។
ក្នុងឧបទ្ទវហេតុគ្រោះថ្នាក់ចរាចរណ៍នេះ លោកឧត្តមសេនីយ៍ នួន នៅ បានណាត់ជួបប្រជុំជាមួយយោធា និងអភិបាលខេត្តថៃ នៅរសៀលថ្ងៃទី២៧ ខែកុម្ភៈ នៅមាត់ច្រកអន្តរជាតិជាំសាង៉ាំ ហើយក្នុងនោះក៏មានក្បួនរថយន្តថ្នាក់ដឹកនាំក្នុងខេត្តឧត្តរមានជ័យ និងរថយន្តរបស់មន្ត្រីយោធាជាច្រើននាក់ ដែលធ្វើដំណើរឡើងលើភ្នំដងរែកមុន ដើម្បីរង់ចាំខាងភាគីថៃមកជួបប្រជុំ ចំណែករថយន្តរបស់លោកក៏បានធ្វើដំណើរឡើងភ្នំ តាមពីក្រោយរបស់រថយន្តគណៈប្រតិភូដែរតាមរថយន្តម៉ាកវីហ្គោ ហើយនៅពេលធ្វើដំណើរជិតរូបសំណាក់យាយម៉ៅ ក៏ស្រាប់តែមានរថយន្តប្រភេទបែនដឹកដី ធ្វើដំណើរចុះពីលើភ្នំមកដល់ត្រង់ផ្លូវកែង ក្រោយយាយម៉ៅប្រហែល៣០ម៉ែត្រ រថយន្តបែនក៏បុករថយន្តវីហ្គោគាបជាប់គ្នាអូសធ្លាក់ចូលជ្រោះភ្នំដងរែក ហើយរថយន្តវីហ្គោខ្ទេចមូរចូលគ្នាដូចចេកចៀន ដែលលោកឧត្តមសេនីយ៍ និងមានអ្នកបើកបររថយន្តម្នាក់ឈ្មោះ ឡាយ លី ឋានៈជាអនុសេនីយ៍ឯកក៏បានស្លាប់គាបជាប់នៅក្នុងរថយន្តដែរ រីឯអ្នកបើកបររថយន្តបែកក៏បានស្លាប់ជាប់នៅក្នុងរថយន្តធ្លាក់ជ្រោះដែរ ៕
ចែករំលែកព័តមាននេះ