ខេត្តកំពង់ស្ពឺ ៖ ក្រុមមនុស្ស៤នាក់ ដែលគេស្គាល់ថា ជាក្មួយរបស់អភិបាលក្រុងច្បារមន ត្រូវនគរបាលខេត្តកំពង់ស្ពឺឃាត់ខ្លួនខណៈដែលក្រុមក្មេងទំនើងទាំងនោះ បានព្រួតគ្នាវាយមកលើក្រុមកូនរបស់លោកស្នងការរងម្នាក់នៅខេត្តកំពង់ស្ពឺ ពេលដែលចូលរាំលេង
ខេត្តកំពង់ស្ពឺ ៖ ក្រុមមនុស្ស៤នាក់ ដែលគេស្គាល់ថា ជាក្មួយរបស់អភិបាលក្រុងច្បារមន ត្រូវនគរបាលខេត្តកំពង់ស្ពឺឃាត់ខ្លួនខណៈដែលក្រុមក្មេងទំនើងទាំងនោះ បានព្រួតគ្នាវាយមកលើក្រុមកូនរបស់លោកស្នងការរងម្នាក់នៅខេត្តកំពង់ស្ពឺ ពេលដែលចូលរាំលេងក្នុងក្លិបអេឡេកូ ហើយទាស់ពាក្យសម្តីគ្នា ។
ហេតុការណ៍ប៉ះទង្គិចគ្នាឈានដល់នគរបាលខេត្តឃាត់ ដោយសារតែក្រុមក្មួយអភិបាលក្រុង និងក្រុមកូនលោកស្នងការរងខេត្ត កាលពីវេលាម៉ោង១១ និង២៥នាទីរំលងអធ្រាត្រឈានចូលថ្ងៃទី២៦ កុម្ភៈ ២០១៥ ស្ថិតនៅមុខក្លិបកម្សាន្តយីហោ «អេឡេកូក្លិប» ដែលមានទីតាំងស្ថិតនៅបណ្តោយផ្លូវជាតិលេខ០៤ ក្នុងភូមិក្រាំចាលទេព សង្កាត់រកាធំ ក្រុងច្បារមន ។
តាមប្រភពព័ត៌មានបានបង្ហើបឱ្យដឹងថា មនុស្ស៤នាក់ដែលនគរបាលឃាត់ខ្លួននោះ ម្នាក់ជាក្មួយរបស់លោកស្រីប៉ោក សេដ្ឋា អភិបាលក្រុងច្បារមន មិនទាន់ស្គាល់អត្តសញ្ញាណនៅឡើយទេ ហើយនិងបក្សពួក៣នាក់ទៀត ក៏មិនទាន់ស្គាល់ដែរ ។ ចំណែកក្រុមជនរងគ្រោះដែលជាកូនលោកស្នងការរងខេត្តកំពង់ស្ពឺនោះ គ្រាន់តែដឹងថា ឈ្មោះត្រា ជាមន្ត្រីនគរបាលផ្នែកចរាចរណ៍នៃស្នងការខេត្ត ហើយយនិងមិត្តភក្តិ៥នាក់ទៀត ក៏មិនស្គាល់អត្តសញ្ញាណដែរ គ្រាន់តែដឹងថា មានម្នាក់ជាក្មួយរបស់លោកអគ្គស្នងការនគរបាលជាតិ ជាសិក្ខាកាមមកបំពេញក្របខណ្ឌនគរបាលជាតិនៅក្នុងស្នងការដ្ឋានខេត្តកំពង់ស្ពឺ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ