ថ្ងៃទី២៧ កុម្ភៈ ២០១៥ ជាទិវាខួបកំណើតរបស់លោកឧកញ៉ា ថុង អ៊ុយប៉ាង ដែលលោកកើតនៅថ្ងៃទី២៧ កុម្ភៈ ១៩៤៨ ហើយក៏ជាទិវាខួបអនុស្សាវរីយ៍ឆ្នាំទី៤៨ នៃសារព័ត៌មានកោះសន្តិភាពផងដែរ ។
ថ្ងៃទី២៧ កុម្ភៈ ២០១៥ ជាទិវាខួបកំណើតរបស់លោកឧកញ៉ា ថុង អ៊ុយប៉ាង ដែលលោកកើតនៅថ្ងៃទី២៧ កុម្ភៈ ១៩៤៨ ហើយក៏ជាទិវាខួបអនុស្សាវរីយ៍ឆ្នាំទី៤៨ នៃសារព័ត៌មានកោះសន្តិភាពផងដែរ ។
គួរកត់សម្គាល់ថា ខែកុម្ភៈ ឆ្នាំ១៩៩៣ ក្នុងសម័យអ៊ុនតាក់ លោកឧកញ៉ា ថុង អ៊ុយប៉ាង និងលោកជំទាវឧកញ៉ា យីន ផាន្នី ជាស្ថាបនិក បានច្បាប់អនុញ្ញាតពីរាជរដ្ឋាភិបាលឱ្យបើកដំណើរការសារព័ត៌មានកោះសន្តិភាពឡើងវិញ រហូតមកដល់បច្ចុប្បន្ន ជាកំណើតកោះសន្តិភាពលើកទី២ ។ ក្នុងនាមជាស្ថាបនិក លោកទាំងទ្វេបានដឹកនាំកោះសន្តិភាពឱ្យដំណើរការបានរលូនដែលសន្មត់ថា គឺជាជោគជ័យគួរឱ្យកត់សម្គាល់ ។
គុណបំណាច់នេះហើយទើប«មហាគ្រួសារកោះសន្តិភាព»បានប្រារព្ធពិធីនេះឡើងដោយអញ្ជើញអ្នកឆ្លើយឆ្លងសារព័ត៌មានកោះសន្តិភាពមកពីគ្រប់បណ្តាខេត្ត-ក្រុងទូទាំងប្រទេស ចូលរួមផងដែរ អបអរសាទរស្វាគមន៍ដោយក្តីរីករាយ ដែលជាមហាគ្រួសារមួយប្រៀបដូចចង្កឹះចងជាបាច់ដ៏ធំមួយ និងពោរពេញទៅដោយ «មហាសាមគ្គីភាព» និងភាតរមិនអាចរំលងបានឡើយ ។
ក្នុងពិធីដ៏អធិកអធមនេះ បាននិមន្តសម្តេចព្រះឧត្តមវង្សា មួង រ៉ា ព្រះសទ្ធម្មកោសល ជា សំអាង ព្រះរាជាគណៈថ្នាក់កិត្តិយស រួមជាមួយព្រះភិក្ខុច្រើនអង្គទៀត នម្មស្សកាព្រះរតនត្រ័យស្រោចស្រពសុគន្ធវារី ប្រសិទ្ធពរជ័យ សិរីមង្គល វិបុលសុខគ្រប់ប្រការ សមស្របទៅតាមប្រពៃណី ដែលមានតាំងតែពីបុរាណកាលមក ជូនលោកឧកញ៉ា និងភរិយាប្រកបដោយកិត្តិយស និងភក្តីភាព ។
នៅវេលារាត្រីថ្ងៃដដែល មានពិធីជប់លៀង ពិសារ ភោជនាហារ ក្នុងបរិវេណភូមិគ្រឹះកោះសន្តិភាព ដោយមានតន្ត្រីច្រៀងរាំកម្សាន្ត រួមជាមួយពិធីចាប់ឆ្នោតផ្សងសំណាងបង្កបរិយាកាស កាន់តែអធិកអធមក្រៃលែង រហូតដល់ចប់កម្មវិធីប្រកបដោយសុវត្ថិភាព និងកិត្តិយសបំផុត ។
ចែករំលែកព័តមាននេះ