ខេត្តតាកែវ ៖ ព្រះពុទ្ធសាសនាបានកំពុងបំពេញតួនាទីយ៉ាងសំខាន់ក្នុងការរួមចំណែកអភិវឌ្ឍវប្បធម៌ខ្មែរតាំងពីបុរាណកាលរហូតមកដល់បច្ចុប្បន្នដែលនេះជាការចូលរួមចំណែកជាមួយផ្នែក
ខេត្តតាកែវ ៖ ព្រះពុទ្ធសាសនាបានកំពុងបំពេញតួនាទីយ៉ាងសំខាន់ក្នុងការរួមចំណែកអភិវឌ្ឍវប្បធម៌ខ្មែរតាំងពីបុរាណកាលរហូតមកដល់បច្ចុប្បន្នដែលនេះជាការចូលរួមចំណែកជាមួយផ្នែកអាណាចក្រដ៏ធំធេងជាមួយរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍ទូលប្រគេនលើកឡើងបែបនេះ ខណៈពេលលោកមិន ឃិន រដ្ឋមន្ត្រីក្រសួងធម្មការ និងសាសនា អញ្ជើញសំណេះសំណាលជាមួយសមណសិស្សនៅពុទ្ធិកវិទ្យាល័យសម្តេចជា ស៊ីម ខេត្តតាកែវ ស្ថិតក្នុងបរិវេណវត្តសីហរតនារាម កាលពីរសៀលថ្ងៃទី២៦ កុម្ភៈ ២០១៥។
ក្នុងឱកាសនោះ លោកមិន ឃិន បានលើកឡើងថា បច្ចុប្បន្នរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាននិងកំពុងយកចិត្តទុកដាក់គិតគូអំពីសុវត្ថិភាព ជីវភាពរស់នៅរបស់ព្រះសង្ឃ ក៏ដូចជាប្រជាពលរដ្ឋនៅទូទាំងប្រទេស ហើយអ្វីដែលយើទាំងអស់គ្នាកំពុងចាប់អារម្មណ៍ និងយកចិត្តទុកដាក់ពេលនេះ គឺការស្តារឡើងវិញ នូវការខូចខាតប្រព័ន្ធហេដ្ឋារចនាសម្ព័ន្ធ ស្ពាន ផ្លូវ សាលារៀន មន្ទីរពេទ្យ និងវត្តអារាម។ ប៉ុន្តែអ្វីៗទាំងអស់នេះ គឺបានមកពីការដឹកនាំដ៏ត្រឹមត្រូវរបស់ប្រមុខរាជរដ្ឋាភិបាលកម្ពុជា ដែលមានការដឹកនាំប្រកបដោយគតិបណ្ឌិត និងភាពឈ្លាសវៃ រួមទាំងស្មារតីស្នេហាជាតិស្នេហាប្រជាពលរដ្ឋ និងប្រទេសជាតិគ្រប់កាលៈទេសៈ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ