រាជធានីភ្នំពេញ ៖ លោកអភិបាលរងខណ្ឌទួលគោកបានដឹកនាំយុវជន និងកម្លាំងប្រជាការពារជាច្រើននាក់ រួមទាំងប្រជាពលរដ្ឌនៅព្រឹកថ្ងៃទី២៧ កុម្ភៈ ២០១៥នេះ បាននាំគ្នា
រាជធានីភ្នំពេញ ៖ លោកអភិបាលរងខណ្ឌទួលគោកបានដឹកនាំយុវជន និងកម្លាំងប្រជាការពារជាច្រើននាក់ រួមទាំងប្រជាពលរដ្ឌនៅព្រឹកថ្ងៃទី២៧ កុម្ភៈ ២០១៥នេះ បាននាំគ្នាធ្វើយុទ្ធនាការទីក្រុងស្អាតដោយបានដើរសំអាតជុំវិញបរិវេណផ្សារដើមគរ និងលើផ្លូវសាធារណៈដទៃទៀត ដើម្បីអនាម័យ បរិស្ថានល្អ និងសោភ័ណភាពដល់ក្រុមអាជីករក៏ដូចជាប្រជាពលរដ្ឋទូទៅ។
លោកប៉ាង លីដា អភិបាលរងខណ្ឌទួលគោកបានឲ្យដឹងថា យុទ្ធនាការទីក្រុងស្អាត នេះធ្វើឡើងប្រយោជន៍ដើម្បីបំផុសស្មារតីចុះសំអាតអនាម័យនៅជុំវិញផ្សារដើមគរជាផ្សារដែលលក់ផលិតផលកសិកម្មមកពីបណ្តាខេត្ត ហើយក៏ធ្វើឡើងដើម្បីអបអរសាទរទិវាជាតិទីក្រុងស្អាតឆ្នាំ២០១៥ និងពិធីប្រកាសជ័យលាភី ទីក្រុងស្អាតសម្រាប់ ឆ្នាំ២០១៥-២០១៨ ក៏ដូចជាការអបអរទិវាជាតិ ទីក្រុងស្អាតឆ្នាំ២០១៥ ក្រោមប្រធានបទជោគជ័យទីក្រុងស្អាត ជោគជ័យទេសចរណ៍។
ជាមួយគ្នានេះដែរដើម្បីឲ្យទីក្រុងស្អាតទាល់តែមានការចូលរួមពីប្រជាពលរដ្ឌ យុទ្ធនាការទីក្រុងស្អាតនេះ ក៏ជាការបំផុសស្មារតីដល់យុវជនឲ្យធ្វើជាគំរូនៅក្នុងសង្គម ធ្វើយ៉ាងណារួមគ្នាធ្វើឲ្យទីក្រុងស្អាត រួមនិងបរិស្ថានល្អផងដែរ ជាងនេះទៅទៀតប្រជាពលរដ្ឋទូទៅក៏ត្រូវតែរួមគ្នាក្នុងការចូលរួម និងការងារទីក្រុងស្អាតផងដែរ ដោយគ្រាន់តែកាត់បន្ថយការប្រើប្រាស់ថង់ប្លាស្ទិកដែលពុំចាំបាច់ មនុស្សម្នាក់នឹងក្លាយទៅជាពលរដ្ឋគំរូ នៅពេលដែលចូលរួមក្នុងការគិតគូរពីបរិស្ថាន និងសោភ័ណភាពទីក្រុង ៕
ចែករំលែកព័តមាននេះ