កូរ៉េខាងត្បូងលុបចោលការដាក់ទោសអ្នកលួចមានសហាយស្មន់
សារព័ត៌មានបរទេស កាលពីថ្ងៃទី២៦ កុម្ភៈ ២០១៤ ផ្សាយថា ក្រុមប្រឹក្សាធម្មនុញ្ញកូរ៉េខាងត្បូង បានវិនិច្ឆ័យក្នុងសំឡេងភាគច្រើន៧ទល់២ ដោយប្រកាសច្បាប់ហាមផិតក្បត់ប្តី-ប្រពន្ធទុកជាមោឃៈ
សារព័ត៌មានបរទេស កាលពីថ្ងៃទី២៦ កុម្ភៈ ២០១៤ ផ្សាយថា ក្រុមប្រឹក្សាធម្មនុញ្ញកូរ៉េខាងត្បូង បានវិនិច្ឆ័យក្នុងសំឡេងភាគច្រើន៧ទល់២ ដោយប្រកាសច្បាប់ហាមផិតក្បត់ប្តី-ប្រពន្ធទុកជាមោឃៈ និងផ្តល់ហេតុផលថា ទោះបីជាសហាយស្មន់ជារឿងខុសនឹងសីលធម៌ធ្ងន់ក៏ដោយ ប៉ុន្តែវាជារឿងផ្ទាល់របស់បុគ្គល និងអំណាចរដ្ឋមិនគួរជ្រៀតជ្រែកទេ ។
ច្បាប់នោះបានប្រកាសប្រើតាំងពីឆ្នាំ១៩៥៣មក ដោយកំណត់ពីការផិតក្បត់របស់គូស្នេហ៍ជាបទឧក្រិដ្ឋបំផ្លាញភាពស្អាតស្អំនៅក្នុងសង្គម និងបំផ្លាញសម្ព័ន្ធភាពផ្ទៃក្នុងរបស់ក្រុមគ្រួសារ ។ អ្នកប្រព្រឹត្តខុសត្រូវទទួលទោសជាប់គុកយ៉ាងយូរ២ឆ្នាំ ។
ក្នុងរយៈពេល៦ឆ្នាំកន្លងមក អាជ្ញាធរកូរ៉េខាងត្បូង បានដោះស្រាយរឿងក្តីចំពោះអ្នកប្រព្រឹត្តខុសពីបទមានសហាយស្មន់ជិត៥.៥០០នាក់ ដោយចំនួននេះគឺជិត៩០០នាក់ ត្រូវបានដោះស្រាយតែក្នុងឆ្នាំ២០១៤ ។ សម្រាប់ចំនួនជនល្មើសជាប់គុកដោយរឿងក្តីនេះ បានធ្លាក់ចុះជា រឿយៗពីចំនួន២១៦នាក់ នៅក្នុងឆ្នាំ២០០៨ ដោយអ្នកសង្គមសាស្ត្របានវិភាគថា ការរីកលូតលាស់ក្នុងសង្គមយ៉ាងឆាប់រហ័ស ធ្វើឱ្យជីវភាពរស់នៅមានបម្រែបម្រួល ៕
ចែករំលែកព័តមាននេះ