ខេត្តឧត្តរមានជ័យ ៖ ជនសង្ស័យ២នាក់ប្តីប្រពន្ធ ត្រូវកម្លាំងកងពលតូចអន្តរាគមន៍លេខ៦ ធ្វើការឃាត់ខ្លួនបញ្ជូនទៅកងរាជអាវុធហត្ថស្រុក បន្ទាប់ពីធ្វើសកម្មភាពកាច់សោម៉ូតូរបស់ប្រជាពលរដ្ឋ កាលពីវេលាម៉ោង១រសៀលថ្ងៃទី២៥ កុម្ភៈ ២០១៥
ខេត្តឧត្តរមានជ័យ ៖ ជនសង្ស័យ២នាក់ប្តីប្រពន្ធ ត្រូវកម្លាំងកងពលតូចអន្តរាគមន៍លេខ៦ ធ្វើការឃាត់ខ្លួនបញ្ជូនទៅកងរាជអាវុធហត្ថស្រុក បន្ទាប់ពីធ្វើសកម្មភាពកាច់សោម៉ូតូរបស់ប្រជាពលរដ្ឋ កាលពីវេលាម៉ោង១រសៀលថ្ងៃទី២៥ កុម្ភៈ ២០១៥ ស្ថិតនៅភូមិថ្នល់កែង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ។
ប្រភពឱ្យដឹងថា ជនសង្ស័យ២នាក់ប្តីប្រពន្ធខាងលើ ប្តីឈ្មោះតាំង ប៊ុនតេង អាយុ៤០ឆ្នាំ មានស្រុកកំណើតនៅភូមិចក ឃុំចក ស្រុកអូររាំងឪ ខេត្តត្បូងឃ្មុំ ចំណែកប្រពន្ធឈ្មោះវ៉ាត ចាន់លាប អាយុ៣៧ឆ្នាំ មានស្រុកកំណើតភូមិក្រាំងធ្នង់ ឃុំរវាង ស្រុកសំរោងខេត្តតាកែវ បច្ចុប្បន្នស្នាក់នៅភូមិចក ឃុំចក ស្រុកអូររាំងឪ ខេត្តត្បូងឃ្មុំ ។
ប្រភពបន្តថា ជនសង្ស័យទាំង២នាក់ ត្រូវអង្គភាពកងពលតូចអន្តរាគមន៍លេខ៦ ចាប់ឃាត់ខ្លួនបញ្ជូនមកស្នាក់ការអាវុធហត្ថស្រុក បន្ទាប់ជិះម៉ូតូ១គ្រឿងម៉ាកវ៉េវ ពណ៌ខ្មៅ ពាក់ស្លាក់លេខព្រះវិហារ ១A-៧៣៦៨ ធ្វើសកម្មភាពកាច់សោម៉ូតូ១គ្រឿងទៀត ម៉ាកវ៉េវពណ៌ក្រហម ស៊េរីឆ្នាំ២០១០របស់ឈ្មោះពិន សុផល ភេទប្រុស អាយុ២៣ឆ្នាំ មានទីលំនៅក្នុងភូមិថ្នល់កែង ឃុំត្រពាំងប្រាសាទ ដែលម្ចាស់ទុកម៉ូតូនៅមុខផ្ទះរបស់ខ្លួន ហើយជនសង្ស័យជាប្តីបានជិះម៉ូតូដែលលួចបំណងរត់គេច តែត្រូវម្ចាស់ឃើញទាន់ ក៏ស្រែកឱ្យគេជួយ ហើយភ្លាមៗនោះ កម្លាំងយោធាកងពលលេខ៦ កំពុងល្បាតក៏ជួយដេញតាមពីក្រោយ រួចហើយជនសង្ស័យ ក៏ទុកម៉ូតូចោល គេចខ្លួនចូលព្រៃ តែត្រូវកម្លាំងកងពលលេខ៦ព័ទ្ធចាប់បាន រួចហើយក៏តាមឃាត់ខ្លួនជនស្ស័យជាប្រពន្ធម្នាក់ទៀត ដែលកំពុងជិះម៉ូតូរត់គេចខ្លួន ។
ចែករំលែកព័តមាននេះ