ខេត្តកំពង់ឆ្នាំង ៖ ជនសង្ស័យដែលបានចាប់រំលោ.ភកុមារីម្នាក់រួចសម្លា.ប់បំបិទមាត់ត្រូវបានកម្លាំងសមត្ថកិច្ចនគរបាលការិយាល័យព្រហ្មទណ្ឌកំរិតធ្ងន់របស់ស្នងការដា្ឋននគរ
ខេត្តកំពង់ឆ្នាំង ៖ ជនសង្ស័យដែលបានចាប់រំលោភកុមារីម្នាក់រួចសម្លាប់បំបិទមាត់ត្រូវបានកម្លាំងសមត្ថកិច្ចនគរបាលការិយាល័យព្រហ្មទណ្ឌកំរិតធ្ងន់របស់ស្នងការដា្ឋននគរបាលខេត្តចាប់ខ្លួនបានហើយ កាលពីវេលាម៉ោង៣ និង២០នាទីទៀបភ្លឺ ថ្ងៃទី២៧ កុម្ភៈ ២០១៥នេះ នៅចំណុចរនាលភេ ស្ថិតក្នុងកំពង់បាស្រូវ ឃុំព្រៃគ្រី ស្រុកជលគីរី ខណៈ ដែលជននេះបានគេចចូលព្រៃសម្ងំលាក់ខ្លួន១យប់១ថ្ងៃ ។
លោក ឌុច ចំរើន នាយនគរបាលព្រហ្មទណ្ឌកំរិតធ្ងន់របស់ស្នងការដ្ឋានគរបាលខេត្តបាននិយាយថា ជនសង្ស័យខាងលើនេះមានឈ្មោះ សូ ស៊ីម អាយុ៤០ឆ្នាំ ធ្លាប់មានប្រពន្ធ២-៣ និងចុងក្រោយមក មានប្រពន្ធ កូន១ រស់នៅភូមិកំពង់បាស្រូវ នេះ ។ លោកបានបន្តថា ក្រោយពីមានករណីចាប់រំលោភក្មេងស្រី ហើយសម្លាប់បំបិទមាត់ និងធ្វើឱ្យមានការភ្ញាក់ផ្អើលនៅព្រឹកថ្ងៃទី២៦ កុម្ភៈ លោកឧត្តមសេនីយត្រី ប្រាក់ វុឌ្ឍី ស្នងការនគរបាលខេត្ត បានដាក់បញ្ជាឱ្យលោកដឹកនាំកម្លាំងចុះស្រាវជ្រាវបន្ទាន់ ហើយបានប្រមូលព័ត៌មាន និងវត្ថុតាង ទើបឈានដល់កំណត់មុខសញ្ញាដែលបានរត់គេចខ្លួនចូលព្រៃ។
ក្រោយពីមានកិច្ចសហការល្អពីប្រជាពលរដ្ឋបានដឹងថា ជនសង្ស័យខាងលើកំពុងសម្ងំលាក់ខ្លួននៅចំណុចរនាលភេ ពេលនោះកម្លាំងរបស់លោកបានទៅព័ទ្ឋចាប់ខ្លួនបាននៅវេលាម៉ោង៣ទៀបភ្លឺ ថ្ងៃទី២៧ កុម្ភៈ នេះ។
នៅចំពោះមុខសមត្ថកិច្ច ជនសង្ស័យបានត្រឹមតែសារភាពថា រូបគេពិតជាបានចាប់នាងរំលោភពិតមែន តែមិនបានសម្លាប់នោះទេ តែទោះយ៉ាងនេះក្តី ក៏សមត្ថកិច្ចបានកសាងសំណុំរឿងបញ្ជូនទៅតុលាការតាមនិតិវិធីច្បាប់ដែរ ។
គួររំឮកថា កុមារីរងគ្រោះអាយុ៨ឆ្នាំ នាងជាកូនទី៧ ក្នុងចំណោមបងប្អូន៨នាក់ មានម្តាយឈ្មោះ លីម ឡុន អាយុ៤១ឆ្នាំ ឪពុកឈ្មោះ ស៊ីម សម្បត្តិ អាយុ៤៨ឆ្នាំ មានទីលំនៅភូមិកំពង់បាស្រូវ ត្រូវបានជនសង្ស័យខាងលើចាប់រំលោភ រួចសម្លាប់បំបិទមាត់កាលពីយប់ថ្ងៃទី២៥ ហើយត្រូវបានគេប្រទះឃើញធ្វើឱ្យមានការភ្ញាក់ផ្អើលនៅព្រឹកថ្ងៃទី ២៦ និកុម្ភៈ ២០១៥ ៕
ចែករំលែកព័តមាននេះ