ខេត្តប៉ៃលិន ៖ យុវជម្នាក់របួសដាច់ជើងឆ្វេង និងម្នាក់ទៀតរបួសក្បាលធ្ងន់ធ្ងរក្នុងករណីគ្រោះថ្នាក់ចរាចរណ៍ ខណៈយុវជន២នាក់បងប្អូនជិះម៉ូតូឌុបគ្នាតាមបណ្តោយផ្លូវជាតិលេខ៥៧លុះដល់មុខផ្ទះស៊ីញ៉ូបត់ឆ្វេង ក៏ត្រូវរថយន្តថៃបើកបរមកពីក្រោយបុកចំយ៉ាងពេទំហឹង
ខេត្តប៉ៃលិន ៖ យុវជម្នាក់របួសដាច់ជើងឆ្វេង និងម្នាក់ទៀតរបួសក្បាលធ្ងន់ធ្ងរក្នុងករណីគ្រោះថ្នាក់ចរាចរណ៍ ខណៈយុវជន២នាក់បងប្អូនជិះម៉ូតូឌុបគ្នាតាមបណ្តោយផ្លូវជាតិលេខ៥៧លុះដល់មុខផ្ទះស៊ីញ៉ូបត់ឆ្វេង ក៏ត្រូវរថយន្តថៃបើកបរមកពីក្រោយបុកចំយ៉ាងពេទំហឹង គៀបជាប់អូសតាមផ្លូវចំងាយជិត២០ម៉ែត្រ បណ្តាលឱ្យរបួសធ្ងន់ទាំងពីរនាក់ តែម្តង ។
ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង១២ និង៣០នាទីរសៀ ល ថ្ងៃទី២៦ ខែកុម្ភៈ ឆ្នាំ២០១៥នេះ ស្ថិតនៅតាមបណ្តោយផ្លូវជាតិលេខ៥៧ ស្ថិតនៅភូមិបឹងព្រលឹត ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ក្រោយពេលកើតហេតុ អ្នកបើកបររថយន្តព្យាយាមបើករត់គេចទៅមុខបានប្រមាណ១គីឡូម៉ែត្រ ក៏ត្រូវប្រជាពលរដ្ឋនាំគ្នាស្ទាក់ឃាត់ឱ្យបើកថយក្រោយមកចតទុកក្បែរកន្លែងកើតហេតុ រួចម្ចាស់បើកទ្វាររថយន្តដាក់មេប្រូចរត់គេចខ្លួន ។ ចំណែកជនរងគ្រោះ ត្រូវក្រុមគ្រួសារដឹកទៅសង្គ្រោះនៅមន្ទីរពេទ្យបង្អែរខេត្ត ៕
ចែករំលែកព័តមាននេះ