ផឹកស្រវឹងបើករថយន្តក្រឡាប់ស្លា.ប់ម្នាក់ របួស៣នាក់
ខេត្តត្បូងឃ្មុំ ៖ រថយន្តប្រភេទហ៊ីយ៉ាន់ដាយ២តោនកន្លះ១គ្រឿងពណ៌ខៀវ បានក្រឡាប់នៅលើកំណាត់ផ្លូវទ្រីបក្រាលគ្រួសក្រហម ត្រង់ចំណុចវាលចំការរបស់ឈ្មោះ ចំណាន
ខេត្តត្បូងឃ្មុំ ៖ រថយន្តប្រភេទហ៊ីយ៉ាន់ដាយ២តោនកន្លះ១គ្រឿងពណ៌ខៀវ បានក្រឡាប់នៅលើកំណាត់ផ្លូវទ្រីបក្រាលគ្រួសក្រហម ត្រង់ចំណុចវាលចំការរបស់ឈ្មោះ ចំណាន ភេទប្រុស ស្ថិតនៅភូមិល្វាធំ ឃុំល្ងៀង ស្រុកត្បូងឃ្មុំបណ្តាលឲ្យស្លាប់អ្នកបើកបរម្នាក់ និងរបួស៣នាក់ត្រូវបានបញ្ជូនទៅសង្គ្រោះនៅមន្ទីរពេទ្យ ។
ហេតុការណ៍ដ៏រន្ធត់នេះកើតឡើង កាលពីវេលាម៉ោង១១ព្រឹក ថ្ងៃទី២៦ កុម្ភៈ ២០១៥ ។ លោកវរសេនីយ៍ត្រី សួស ស៊ាងលី អធិការនគរបាលស្រុកត្បូងឃ្មុំ ឲ្យដឹងថា អ្នកដែលស្លាប់ក្នុងហេតុការណ៍នោះឈ្មោះ ផេង ទីណា ភេទប្រុស អាយុ២៧ឆ្នាំ នៅភូមិខ្នារ ឃុំស្រឡប់ ស្រុកត្បូងឃ្មុំ និងអ្នករងរបួស៣នាក់ទៀតដែលរួមដំណើរជាមួយមាន ១-ឈ្មោះ ខន ករុណា ភេទប្រុស អាយុ២០ឆ្នាំ ២-ឈ្មោះសុខ យ៉ខាយ ភេទប្រុស អាយុ២០ឆ្នាំ និង៣-ឈ្មោះ សុខ ទីម៉ាច ភេទប្រុស អាយុ១៣ឆ្នាំ ទាំង៣នាក់នៅភូមិល្ងៀង ឃុំល្ងៀង ស្រុកត្បូងឃ្មុំ ។
លោកអធិការនគរបាលស្រុកត្បូងឃ្មុំ បានបន្តថា មុនពេលកើតហេតុរថយន្តនេះបានបើកចេញពីលិចមកកើតតាមផ្លូវទ្រីប លុះមកដល់ត្រង់ភូមិខាងល្វាធំ ក៏បានប្រឡាប់តែម្តង បណ្តាលឲ្យស្លាប់អ្នកបើកបរភ្លាមៗនៅនឹងកន្លែងកើតហេតុ ។ ជំនាញចរាចរស្រុកបានបញ្ជាក់ថា អ្នកបើកបរ បានផឹកស្រាស្រវឹងហើយឡើងបើករថយន្តចេញពីចាន់ទូង ដើម្បីទៅទិញជ័រកៅស៊ូនៅស្រុកតំបែរ ដោយបើកបរក្នុងល្បឿនលឿន ខណៈពេលដល់ផ្លូកោងយកចង្កូតមិនទាន់ទើបធ្វើឲ្យរថយន្តក្រឡាប់ជិត១០ត្រឡប់រងការខូចខាតជាដំណំ ។ ចំណែកអ្នកជិះជាមួយ៣នាក់ទៀតបានផ្លោងខ្ទាតចេញពីរថយន្ត សំណាងល្អគ្រាន់តែរងរបួស ៕
ចែករំលែកព័តមាននេះ