រាជធានីភ្នំពេញ ៖ ខ្សែកាបអុបទិកមួយដុំមាន១១២សរសៃតូចៗដែលធ្លាក់ស្តាកបន្តិចត្រូវបានរថយន្តដឹកប្រេងឥន្ធនៈកាល់តិចបើកទាក់ដាច់ធ្លាក់លើឆ្នាំងបបរសបណ្តាលឲ្យកំពប់ខ្ចាត់ខ្ចាយ កាលពីវេលាម៉ោង៨ និង៣០នាទីយប់ ថ្ងៃទី២៥ ខែកុម្ភៈ ឆ្នាំ២០១៥
រាជធានីភ្នំពេញ ៖ ខ្សែកាបអុបទិកមួយដុំមាន១១២សរសៃតូចៗដែលធ្លាក់ស្តាកបន្តិចត្រូវបានរថយន្តដឹកប្រេងឥន្ធនៈកាល់តិចបើកទាក់ដាច់ធ្លាក់លើឆ្នាំងបបរសបណ្តាលឲ្យកំពប់ខ្ចាត់ខ្ចាយ កាលពីវេលាម៉ោង៨ និង៣០នាទីយប់ ថ្ងៃទី២៥ ខែកុម្ភៈ ឆ្នាំ២០១៥ នៅមុខផ្ទះលេខ៨០Eo មហាវិថីកម្ពុជាក្រោម សង្កាត់មនោរម្យ ខណ្ឌ៧មករា ។
សាក្សីឃើញហេតុការណ៍បានឲ្យដឹងថា មុនពេលកើតហេតុរថយន្តបង្កម៉ាកនីស្សាន់ ឌីសែល ពណ៌ត្រួយចេក ពាក់ស្លាកលេខ ភ្នំពេញ 3A 1875 ដឹកប្រេងចំណុះ១៨០០០លីត្រ បើកបរដោយបុរសម្នាក់ ក្នុងទិសដៅពីលិចទៅកើត មកដល់ចំណុចខាងលើ ខ្សែកាបមួយដុំរាងធ្លាក់ស្តាកបន្តិចបណ្តាលឲ្យរថយន្តបើកទាក់ដាច់ខ្សែកាបមួយដុំមានខ្សែតូច១១២សរសៃ ហើយបានធ្លាក់វាត់លើឆ្នាំងបបរសលក់នៅជិតនោះបណ្តាលឲ្យកំពប់ខ្ចាត់ខ្ចាយអស់មួយឆ្នាំង ។
ភ្លាមៗនោះអ្នកបើកបររថយន្តមិនបានរត់គេចទេ ក៏បានឈប់មកធ្វើការចរចាជាមួយអ្នកលក់បបរទាមទារសំណង១០០ដុល្លារ ត្រូវបានខាងរថយន្តសង៣០ម៉ឺនរៀលបញ្ចប់រឿង ចំណែកខ្សែកាបដែលដាច់នោះត្រូវបានតំណាងមកធ្វើការដោះស្រាយទាមទារសំណង១០០ដុល្លារសងបញ្ចប់រឿង ៕
ចែករំលែកព័តមាននេះ