រាជធានីភ្នំពេញ ៖ បុរសជាកម្មករសំណង់ម្នាក់ខ្យល់គស្លាប់នៅកន្លែងស្នាក់នៅទាំងកណ្ដាលយប់បង្កការភ្ញាក់ផ្អើលដល់អ្នកស្នាក់នៅផ្សេងទៀតនិងសមត្ថកិច្ចចុះមកត្រួតពិនិត្យ កាលពីវេលាម៉ោង១២រំលងអាធ្រាត្រ ឈានចូលថ្ងៃទី២៦ ខែកុម្ភៈ ឆ្នាំ២០១៥ ត្រង់ចំណុចរោងកម្មករបុរីមួយនៅចំការដូង ស្ថិតក្នុងភូមិថ្មី សង្កាត់ដង្កោ ខណ្ឌដង្កោ។
បុរសរងគ្រោះមានឈ្មោះ រីម អាយុ៣៧ឆ្នាំ ជាកម្មករសំណង់ បច្ចុប្បន្នស្នាក់នៅកន្លែងកើតហេតុ មានស្រុកកំណើតភូមិព្រៃក្ដួចខាងជើង ឃុំត្រពាំងខាងជើង ស្រុកត្រាំកក់ ខេត្តតាកែវ ដោយប្រពន្ធឈ្មោះ ណាន មុំ អាយុ២៦ឆ្នាំធ្វើការនិងស្នាក់នៅជាមួយគ្នា មានស្រុកកំណើតនៅខេត្តស្វាយរៀងព្រំដែនវៀតណាមមានកូនស្រី២នាក់ម្នាក់អាយុ១ឆ្នាំកន្លះនិងម្នាក់ទៀតអាយុទើបតែ៦ខែ ។
ក្រោយពីសមត្ថកិច្ចធ្វើកោសលវិច័យសាកសពពិតជាស្លាប់ដោយខ្យល់ គមែន ហើយបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ