រាជធានីភ្នំពេញ៖ ជនសង្ស័យម្នាក់ជាមុខសញ្ញាឆក់យ៉ាងសកម្ម ត្រូវបានកំលាំងសម្ថកិច្ចខណ្ឌដូនពេញឃាត់ខ្លួន ខណៈពេលដែលធ្វើសកម្មភាពឆក់កាបូបពីនារីជនជាតិរុស្សី២នាក់មិនបានសម្រេច ហើយព្យាយាមរត់គេចខ្លួន
រាជធានីភ្នំពេញ៖ ជនសង្ស័យម្នាក់ជាមុខសញ្ញាឆក់យ៉ាងសកម្ម ត្រូវបានកំលាំងសម្ថកិច្ចខណ្ឌដូនពេញឃាត់ខ្លួន ខណៈពេលដែលធ្វើសកម្មភាពឆក់កាបូបពីនារីជនជាតិរុស្សី២នាក់មិនបានសម្រេច ហើយព្យាយាមរត់គេចខ្លួន តែត្រូវកំលាំងសមត្ថកិច្ចលល្បាតឃើញចាប់បាន ។
ហេតុការណ៍នេះបានកើតឡើងកាលវេលាម៉ោង៨និង៣០នាទី យប់ថ្ងៃទី២៥ ខែកុម្ភៈ ឆ្នាំ២០១៥ តាមបណ្តោយមហាវិថីព្រះស៊ីសុវត្ថិកែងនិងផ្លូវលេខ១៣០ ក្នុងសង្កាត់ផ្សារកណ្ដាល១ ខណ្ឌដូនពេញ ។
ជនសង្ស័យខាងលើមានឈ្មោះ រស់ ចយ អាយុ២២ ឆ្នាំ មានមុខរបរមិនពិតប្រាកដ ស្នាក់នៅក្បែររោងកុនហែមជាតិ ផ្លូវ១៣០សង្កាត់ផ្សារចាស់ ខណ្ឌដូនពេញ ។ ចំណែកនារីបរទេសរងគ្រោះខាងលើមានឈ្មោះ វល្លាឌីស ឡាវី ជាជនជាតិរុស្សី អាយុ១៦ឆ្នាំ មុខរបរនៅស្ថានទូតរុស្សី ស្នាក់នៅផ្ទះលេខ១៤ ផ្លូវ៥១ សង្កាត់បឹងគីងកង១ ខណ្ឌចំការមន ។
បច្ចុប្បន្នជនសង្ស័យខាងលើ ត្រូវបានសម្ថកិច្ចខណ្ឌដូនពេញ ឃុំខ្លួនបណ្តោះអាសន្ន ដើម្បីកសាងសំណុំរឿងបញ្ចូនទៅតុលាការ ៕
ចែករំលែកព័តមាននេះ