ទីភ្នាក់ងារព័ត៌មានបរទេស កាលពីពេល ថ្មីៗកន្លងមកនេះបានផ្សាយដោយយោងលើសម្តីរបស់លោកណាអីុម ឆាអីុក ប៉ូលិសប៉ាគីស្ថានថា កាលពីថ្ងៃទី២២ កុម្ភៈ មានកើតឧបទ្ទវហេតុរថយន្តទួរីសក្រឡាប់ និងមានភ្លើងឆាបឆេះនៅទីក្រុង Nooriabad ភាគខាងត្បូង ឆ្ងាយពីក្រុងការ៉ាជីទៅភាគខាងកើតឆៀងខាងជើងប្រហែល១០០គីឡូម៉ែត្រ បណ្តាលឱ្យអ្នកដំណើរស្លាប់យ៉ាងតិច១០នាក់ និង៩នាក់ទៀតរងរបួស ប៉ុន្តែមានអ្នកដំណើរ៣នាក់មានសុវត្ថិភាពពីឧបទ្ទវហេតុនោះ ។
គួរបញ្ជាក់ថា កន្លងមកប៉ាគីស្ថានកើតមានឧបទ្ទវហេតុដ៏អាក្រក់ជាច្រើនលើក មូលហេតុដោយសារតែទង្វើរបស់អ្នកបើកបររថយន្តធ្វេសប្រហែសពេលធ្វើដំណើរលើដងផ្លូវ ។ ជាក់ស្តែងដូចកាលពីខែមុន មានអ្នកស្លាប់ចំនួន៦២នាក់រួមមានស្ត្រីនិងកុមារ ព្រោះរថយន្តក្រុងបានបុកជាមួយរថយន្តដឹកប្រេងនៅភាគខាងត្បូងប៉ាគីស្ថាន បង្កឱ្យមានភ្លើងឆាបឆេះដ៏សន្ធោសន្ធៅ ៕
ចែករំលែកព័តមាននេះ