បាងកក ៖ ក្រសួងសហប្រតិបត្តិការ និងកសិកម្ម នឹងដឹកនាំការសិក្សាឱ្យបានទូលំទូលាយអំពីតម្រូវការទីផ្សារអឺរ៉ុបចំពោះផលិតផលអាហារ និងកសិកម្មថៃដែលស្ថិតក្នុងក្តីរំពឹងថានឹងបង្កើនការនាំចេញទៅតំបន់នោះឱ្យបាន១២០ពាន់លានបាត ឬស្មើនឹង៣,៦៨ពាន់លានដុល្លារ ប្រចាំឆ្នាំ ។
ចំណែកការិយាល័យស្តង់ដាអាហារនិងទំនិញកសិកម្មជាតិ នឹងសហការជាមួយការិយាល័យកិច្ចការកសិកម្មក្នុងទីក្រុងព្រុចសែលក្នុងការងារសិក្សានោះ ដែលនឹងផ្តោតទៅលើផលិតផលថៃ៩មុខ ដូចជា ផ្លែឈើ ផលិតផលសរីរាង្គ រុក្ខជាតិ ក្លិនក្រអូបប្រើជាគ្រឿងសម្ល ឬថ្នាំ (ជី)គ្រឿងទេស បង្គា ត្រីសមុទ្រ និងសាច់មាន់ជាដើម ដែលនឹងត្រូវបាននាំចេញក្នុងរយៈពេល៥ឆ្នាំក្រោយ ចាប់ពីឆ្នាំ២០១៥ដល់ឆ្នាំ២០២០។ ការសិក្សានេះនឹងពិនិត្យទៅលើការប្រែប្រួលនៃទិដ្ឋភាពសង្គមសេដ្ឋកិច្ច ពាណិជ្ជកម្ម និងស្ថានភាពបរិស្ថានផងដែរនៅតំបន់អឺរ៉ុប ដែលអាចមានឥទ្ធិពលដល់ផ្សារហ៊ុនផលិតផលថៃ ។ ការសិក្សានេះថែមទាំងធ្វើឱ្យប្រសើរឡើងនូវភាពប្រកួតប្រជែងនៃការនាំចេញរបស់ថៃទៅទីផ្សារនោះដែលត្រូវបានចាត់ចូលជាអ្នកមានអំណាចទិញខ្ពស់ជាងគេបំផុតក្នុងពិភពលោកដោយមានអត្រាប្រជាជន៥រយលាននាក់ ។
លោក Sakchai Sriboonsue លេខាធិការការិយាល័យស្តង់ដាអាហារនិងទំនិញកសិកម្មជាតិបានថ្លែងថា ការសិក្សានឹងចំណាយពេល៨ខែគិតចាប់ពីខែកុម្ភៈដល់ខែកញ្ញា នឹងគ្របដណ្តប់លើគ្រប់ផ្នែកទាំងអស់របស់សហគមន៍អឺរ៉ុបរួមមាន ១១ប្រទេសនៅអឺរ៉ុបខាងកើត ៩ប្រទេសនៅអឺរ៉ុបខាងលិច ៦ប្រទេសខាងត្បូង៤ និងប្រទេសក្នុងតំបន់ Scandinavian ៕
ចែករំលែកព័តមាននេះ