ប៉េកាំង ៖ យោងតាមទីភ្នាក់ងារជួញដូរពេជ្រប្រចាំក្រុងសៀងហៃបង្ហាញថា បរិមាណពេជ្រកែច្នៃរួចដែលបាននាំចូលប្រទេសចិនបន្តធ្លាក់ចុះបួនខែជាប់ៗគ្នាគិតមកដល់ខែមករាដើមឆ្នាំ២០១៥នេះ ។
តួលេខបញ្ជាក់ថា កាលពីខែមករា កន្លងមកប្រទេសចិនបាននាំចូលពេជ្រកែច្នៃស្រាប់ ក្នុងទំហំទឹកប្រាក់១៥៧លានដុល្លារ ធ្លាក់ចុះ២៤%ធៀបនឹងអំឡុងពេលដូចគ្នាកាលពីឆ្នាំ២០១៤។ ដោយផ្អែកតាមទីភ្នាក់ងារខាងលើ និន្នាការនៃការធ្លាក់ចុះនេះបណ្តាលមកពីភាពស្ពឹកស្រពន់នៃការងើបឡើងវិញសេដ្ឋកិច្ចសាកលលោក គួបផ្សំទាំងភាពកម្សោយនៃទីផ្សារក្នុងស្រុកផងដែរ ។ នៅឆ្នាំ២០១៤ ការប្រើប្រាស់ពេជ្ររបស់ប្រទេសចិនបានវាយលុកក្នុងលទ្ធផលសម្រេចបានខ្ពស់ដោយសារតែកំណើនដ៏ខ្លាំងនៅក្នុង៣ត្រីមាសដំបូង ។ នៅគ្រានោះដែរ បរិមាណនៃពេជ្រច្នៃក្នុងទំហំទឹកប្រាក់២,២៤ពាន់លានដុល្លារកើន៣១% ពីមួយឆ្នាំទៅមួយឆ្នាំ ត្រូវបាននាំចេញតាមរយៈទីភ្នាក់ងារជួញដូរប្រចាំក្រុងសៀងហៃផងដែរ ។
គួរបញ្ជាក់ថា ប្រទេសចិនបច្ចុប្បន្នគឺជាអតិថិជនត្បូងពេជ្រធំជាងគេបំផុតលើពិភពលោក និងជាអ្នកជួញដូរធំទី៤ផងដែរ ៕
ចែករំលែកព័តមាននេះ