តារាសិចស៊ីអាមេរិកវ័យ២៨ឆ្នាំនាងឡេឌី ហ្គាហ្គាបានប្រកាសថា នាងគ្រោងរៀបការជាមួយគូសង្សាររបស់នាងគឺលោកថៃល័រ គីននី តារាសម្តែង និងម៉ូដែលអាមរិកវ័យ៣៣ឆ្នាំ បន្ទាប់ពីរួមរស់ជាមួយគ្នាអស់រយៈពេល៤ឆ្នាំមកហើយ ។
ការប្រកាសពីគម្រោងរៀបការនេះបន្ទាប់ពីគូស្នេហ៍របស់នាងថៃល័រ គីននី សុំនាងរៀបការនៅទិវាបុណ្យនៃក្តីស្រឡាញ់ ព្រមទាំងមានចិញ្ចៀនត្បូងពេជ្ររាងបេះដូងសម្រាប់នាង ។
ខណៈឃើញសកម្មភាពផ្អែមល្ហែម និងមានន័យបែបនេះ ឡេឌី ហ្គាហ្គា ព្រមទទួលការបំពាក់ចិញ្ចៀននោះ ហើយពោលពាក្យតបម្ចាស់ចិត្តថា «អូនយល់ព្រមរៀបការជាមួយបង» ។
ឡេឌី ហ្គាហ្គា បានបង្ហោះរូបចិញ្ចៀនភ្ជាប់ពាក្យលើបណ្តាញកម្សាន្ត Instagram ហើយមានអ្នកគាំទ្ររបស់នាងប្រមាណជា ៥,៥លាននាក់ចុុចចូលទស្សនា ហើយពួកគេទន្ទឹងរង់ចាំថ្ងៃអាពាហ៍ពិពាហ៍របស់នាង ។
នាងឡេឌី ហ្គាហ្គា កើតថ្ងៃទី ២៨ មីនា ឆ្នាំ១៩៨៦នៅទីក្រុងញូវយ៉ក សហរដ្ឋអាមេរិក។ នាងចូលប្រឡូកវិស័យសិល្បៈនៅឆ្នាំ២០០១ និងល្បីល្បាញដល់ពេលបច្ចុប្បន្ន ។
តារាចម្រៀងទម្រង់មុខពងក្រពើឡេឌី ហ្គាហ្គា ធ្លាប់បែកធ្លាយវីដេអូសិចជាមួយមិត្តប្រុសរបស់នាងកាលពីវ័យ១៨ឆ្នាំ ។ ឡេឌី ហ្គាហ្គា និងថៃល័រ គីននី ជួបគ្នាដំបូងនៅក្នុងឆ្នាំ២០១១ ពេលសម្តែងរឿង«អូន និងបង» ៕
ចែករំលែកព័តមាននេះ