ខេត្តព្រះសីហនុ ៖ ប្រធានការិយាល័យស្ថិតិនិងទំនាក់ទនងនៃកំពង់ផែស្វ័យតក្រុងព្រះសីហនុ លោក អ៊ុក តុមេធី បានឲ្យដឹងថា ក្នុងខែមករាកន្លងទៅនេះ បរិមាណទំនិញឆ្លងកាត់កំពង់ផែស្វ័យតក្រុងព្រះសីហនុ
ខេត្តព្រះសីហនុ ៖ ប្រធានការិយាល័យស្ថិតិនិងទំនាក់ទនងនៃកំពង់ផែស្វ័យតក្រុងព្រះសីហនុ លោក អ៊ុក តុមេធី បានឲ្យដឹងថា ក្នុងខែមករាកន្លងទៅនេះ បរិមាណទំនិញឆ្លងកាត់កំពង់ផែស្វ័យតក្រុងព្រះសីហនុ ធ្លាក់ចុះតិចតួចដែលបណ្ដាលមកពីការនាំចូលថយចុះជាង៨% និងការនាំចូលប្រេងថយចុះ ព្រមទាំងការនាំចូលដែកក៏ថយចុះដែរ ។ រីឯទំនិញនាំចេញកើនប្រមាណ២០% ក្នុងនោះទំនិញដែលជំរុញឲ្យមានការកើនឡើងដូចជា ការនាំចេញអង្ករជាដើម ។
លោកបន្តថា ជាទូទៅនៅខែមករា រៀងរាល់ឆ្នាំទំនិញឆ្លងកាត់តែងតែថយចុះជាងខែណាៗទាំងអស់ ព្រោះតែក្រុមហ៊ុនខ្លះៗជាប់កិច្ចសន្យារបស់ខ្លួន ។ ចំណែកនៅដើមខែកុម្ភៈ នេះ បរិមាណទំនិញប្រើប្រាស់ឆ្លងកាត់កំពង់ផែហាក់មានការកើនឡើងវិញ ។
យោងតាមរបាយការណ៍ដែលផ្តល់ដោយកំពង់ផែស្វ័យតក្រុងព្រះសីហនុ បានបង្ហាញថា នៅខែមករា កន្លងមកនេះ បរិមាណទំនិញឆ្លងកាត់កំពង់ផែមានចំនួន៣០៣.២២៧តោន ក្នុងនោះទំនិញជាកុងតឺន័រចំនួន១៨៩.៩៧៩តោន ទំនិញទូទៅចំនួន១២.៣៦៤តោន ទំនិញជាប្រេងចំនួន១០០.៨៨៤តោន បើធៀបនឹងរយៈពេលដូចគ្នាកាលពីឆ្នាំ២០១៤មានចំនួន៣០៩.២០៥តោន ក្នុងនោះទំនិញជាកុងតឺន័រចំនួន១៦៨.២៦៤តោន ទំនិញជាទូទៅចំនួន១៨.០០១តោននិងទំនិញជាប្រេងចំនួន១២២.៩៣៩តោន ពោលគឺមានការធ្លាក់ចុះប្រមាណ១,៩៣% ។
ក្នុងរបាយការណ៍បង្ហាញថា ទំនិញនាំចូលដូចជា សម្ភារផ្សេងៗធ្លាក់ចុះប្រមាណ៣៥% លោហៈធាតុធា្លក់ចុះប្រមាណ៦៩% ប្រេងធា្លក់ចុះប្រមាណ១៧% តែដោយឡែកចំពោះមុខទំនិញនាំចេញដូចជាកុងតឺន័រ កើនឡើងជាង៣៩% អង្ករកើនឡើងជាង១៦% និងនាវាចូលចតកើនឡើងជាង៣២%នេះបើធៀបនឹងរយៈពេលដូចគ្នាកាលពីឆ្នាំ២០១៤ ៕
ចែករំលែកព័តមាននេះ