ថាកុំឱ្យគេឮ ចិន-ខ្មែរស្មើគ្នា
នៅសល់តែប៉ុនា្មនថ្ងៃទៀតប៉ុណ្ណោះ ពិធីសែននិងបុណ្យប្រពៃណីចូលឆ្នាំចិន-វៀតណាមនឹងចូលមកដល់ ខណៈដែលប្រជាពលរដ្ឋខ្មែរសែស្រឡាយចិនភាគច្រើន បាន
នៅសល់តែប៉ុនា្មនថ្ងៃទៀតប៉ុណ្ណោះ ពិធីសែននិងបុណ្យប្រពៃណីចូលឆ្នាំចិន-វៀតណាមនឹងចូលមកដល់ ខណៈដែលប្រជាពលរដ្ឋខ្មែរសែស្រឡាយចិនភាគច្រើន បាន
នៅសល់តែប៉ុនា្មនថ្ងៃទៀតប៉ុណ្ណោះ ពិធីសែននិងបុណ្យប្រពៃណីចូលឆ្នាំចិន-វៀតណាមនឹងចូលមកដល់ ខណៈដែលប្រជាពលរដ្ឋខ្មែរសែស្រឡាយចិនភាគច្រើន បានត្រៀមលក្ខណៈរួចរាល់អស់ហើយដើម្បីចូលរួមក្នុងពិធីបុណ្យចូលឆ្នាំថ្មីនេះ ។
អ្វីដែលជាការកត់សម្គាល់ នៅរៀងរាល់ចូលឆ្នាំចិនក្នុងរយៈពេលប៉ុន្មានឆ្នាំចុងក្រោយនេះ បានត្រូវមជ្ឈដ្ឋាននានាមើលឃើញថា ប្រពៃណីចូលឆ្នាំចិននេះ វាស្ទើរតែក្លាយជាបុណ្យប្រពៃណីជាតិមួយរបស់ជនជាតិខ្មែរទៅហើយ ព្រោះពលរដ្ឋខ្មែរមួយចំនួន ដែលមានលំនៅឋានជាប់នឹងពលរដ្ឋខ្មែរសែស្រឡាយចិន ដែលរៀងរាល់ឆ្នាំមិនដែលសែនសោះ បែរជាឃើញគេសែនសប្បាយក៍ចាប់ផ្តើមទិញសាច់គោ សាច់ជ្រូក មាន់ បន្លែបង្ការនានា ភេសជ្ជៈនិងសម្ភារសម្រាប់សែន ក៏ដូចជាទិញដើមអង្គាសីលចូលរួមសែននឹងជនជាតិខ្មែរសែស្រឡាយចិន ឬវៀតណាមដែរ ។
លើសពីនេះទៅទៀត សម្រាប់មន្ត្រីធំៗនៅស្ថាប័ននីតិប្បញ្ញត្តិ នីតិប្រតិបត្តិ តុលាការ មន្ត្រីរាជការ និងកងកម្លាំងប្រដាប់អាវុធទាំងបីប្រភេទ មួយចំនួនក៏បានចូលរួមសែនចូលឆ្នាំចិន ផឹកស៊ីសប្បាយជាមួយបងប្អូនខ្មែរសែស្រឡាយចិនដែរ ។
មួយវិញទៀត នៅតាមសាលារៀនទាំងឯកជន-រដ្ឋនិង ក្រសួង-ស្ថាប័នរដ្ឋភាគច្រើនត្រូវបានគេមើលឃើញថា ស្ទើរតែបិទទ្វារព្រោះទាំងគ្រូ សិស្ស អត់មករៀននិងបង្រៀន រីឯថ្នាក់ដឹកនាំក្រសួងស្ថាប័ននិងមន្ត្រីរាជការទាំងនោះអត់មកធ្វើការ ធ្វើឲ្យសំណុំឯកសារផ្សេងៗត្រូវបន្តពន្យារពេលចេញលិខិតស្នាមគតិយុត្តនានា ដោយសារតែថ្នាក់ដឹកនាំក្រសួង-ស្ថាប័ន និងមន្ត្រីរាជការជាប់រវល់ចូលរួមសែននិងចូលឆ្នាំចិនដែរ ។
តើទង្វើរបស់ជនជាតិខ្មែរ អស់លោក លោកស្រីជាមន្ត្រីធំៗ និងមន្ត្រីរាជការ កងកម្លាំងប្រដាប់អាវុធមួយចំនួនខាងលើនេះត្រឹមត្រូវដែរឬទេ ?
ជាការពិត បើយោងតាមរដ្ឋធម្មនុញ្ញនៃព្រះរាជាណាចក្រកម្ពុជាឆ្នាំ១៩៩៣ បានចែងអំពីសេរីភាពក្នុងការជ្រើសរើសនិងគោរពសាសនា ប្រពៃណីផ្សេងៗ ប៉ុន្តែអ្វីដែលគួរនាំគ្នាពិចារណានូវចំណុចខ្លះនោះ គឺថ្នាក់ដឹកនាំស្ថាប័ននីតិប្បញ្ញត្តិ នីតិប្រតិបត្តិ ក្រសួងស្ថាប័ន និងសាលារៀនមួយចំនួន មិនគួរចូលរួមសែននិងចូលឆ្នាំចិន បើទោះបីជាថ្នាក់ដឹកនាំខ្លះមានសែស្រឡាយកាត់ចិនក្តី ព្រោះចង់មិនចង់វាបានប៉ះពាល់ទៅដល់ចង្វាក់ការងារ ការសិក្សារបស់សិស្ស និស្សិត ជាពិសេសធ្វើឲ្យប្រជាពលរដ្ឋខ្លះវាយតម្លៃ និងហាក់បីដូចជាលើកទឹកចិត្តឲ្យប្រជាពលរដ្ឋខ្មែរទូទៅចូលរួមសែន និងបុណ្យប្រពៃណីរបស់ជនជាតិចិនយ៉ាងដូច្នេះដែរ ។
នេះគ្រាន់តែជាទស្សនៈនិងការចូលរួមយោបល់សឹងតែដដែលៗទៅហើយ ព្រោះកន្លងមកមានការធ្វើអត្ថាធិប្បាយជាច្រើនតាមទូរទស្សន៍ វិទ្យុ និងសារព័ត៌មាននានា ពីសំណាក់ក្រុមអ្នកវិភាគមួយចំនួន ប៉ុន្តែសម្រាប់ទស្សនៈរបស់ក្រុមអ្នកអភិរក្សប្រពៃណីនិងទំនៀមទម្លាប់ខ្មែរវិញ ទំនងជាវាយប្រហារធ្ងន់ៗទៅលើសកម្មភាពថ្នាក់ដឹកនាំក្រសួង-ស្ថាប័ន និងមន្ត្រីរាជការមួយចំនួនដែលចូលរួមសែន និងបុណ្យប្រពៃណីជនជាតិចិន-វៀតណាម ព្រោះច្បាស់ណាស់ប្រសិនបើយើងគោរពសាសនា ឬប្រកាន់យកទំនៀមទម្លាប់ជាតិសាសន៍ដទៃមកប្រតិបត្តិ គឺមានន័យស្មើ ឬប្រហាក់ប្រហែលយើងជាជាតិសាសន៍នោះដែរ ៕ ដោយ ជួប ថា
ចែករំលែកព័តមាននេះ