រាជធានីភ្នំពេញ ៖ សេចក្តីរាយការណ៍បានឱ្យដឹងថា នៅចំណុចរង្វង់មូលក្បែរសណ្ឋាគារអាំងទែកង់ទីណង់តាល់ ស្ថិតលើមហាវិថីម៉ៅសេទុង ក្នុងសង្កាត់បឹងសាឡាង កែងផ្លូវលេខ៣៣៦ មានការកកស្ទះចរាចរណ៍យ៉ាងខ្លាំង ដែលធ្វើឱ្យដំណើរទាំងរថយន្ត និងម៉ូតូមានការពិបាកធ្វើដំណើរទៅមកយ៉ាងខ្លាំង ដែលចាប់ផ្តើមតាំងពីម៉ោង៦ព្រឹកថ្ងៃទី១៦ កុម្ភៈ ២០១៥ រហូតដល់វេលាម៉ោងនេះ ។
ប្រភពបានឱ្យដឹងថា មូលហេតុដែលបង្កឱ្យមានការកកស្ទះនេះ គឺដោយសារមានគំនរសំរាមមួយយ៉ាងធំ ដែលមិនទាន់ត្រូវបាន
ប្រមូល ។ ក្នុងនោះ គេឃើញមានក្រុមប៉ូូលិសចរាចរណ៍បានខំព្យាយាមសម្រួល ប៉ុន្តែនៅតែមានការកកស្ទះដដែល ។
ប្រភពបន្តថា ប្រសិនជាបងប្អូនណាមានដំណើរមកចំណុចខាងលើនេះ សូមចៀសទៅផ្លូវផ្សេងវិញ ព្រោះមានការកកស្ទះយ៉ាងខ្លាំង នេះគឺជាសេចក្តីជូនដំណឹងចំពោះបងប្អូនប្រជាពលរដ្ឋដែលកំពុងធ្វើដំណើរផងដែរ ។
ចែករំលែកព័តមាននេះ